Qyrǵyzstandaǵy aýyldardyń birinde kólikten Qazaqstan azamatynyń denesi tabylǵan, dep habarlaıdy Qamshy.kz aqparat agenttigi sputniknews.kz saıtynyń deregine súıenip.

Qazaqstannyń syrtqy ister mınıstrligi Qyrǵyzstannyń Shý oblysynda qazaqstandyq Atanýh Shermatovtyń qaza bolýyna qatysty túsinikteme berdi.

Syrtqy saıasat vedomstvosynyń resmı ókili Aıbek Smadıarovtyń aıtýynsha, qazir Qyrǵyzstan polısıasy oqıǵanyń mán-jaıyn anyqtap jatyr.

"Ótken aptada Bishkek qalasy mańynda kólikterdiń birinen jas jigittiń denesi tabyldy. Ol - Qazaqstan azamaty. Marqumnyń máıiti týystaryna berildi. Bastapqy derekter boıynsha, qazaqstandyq óz-ózine qol salǵan. Qaza tapqan jigittiń janynan tapansha tabyldy. Ol óz-ózine oq atqan. Qyrǵyzstan polısıasy oqıǵanyń mán-jaıyn anyqtap jatyr. Tergeýdiń qorytyndysyn kúteıik, tolyq aqparatty keıin jarıalaımyz", - dedi ol.

Aıta ketsek, osydan buryn Qyrǵyzstannyń ishki ister mınıstrligi Bishkek qalasynyń mańyndaǵy Qoı-Tash aýylynda "Mazda-6" kóliginiń ishinen 20-25 jastaǵy jigittiń denesi tabylǵanyn málimdedi. Polısıanyń boljamy boıynsha, ol óz-ózine qol salypty. Máıittiń janynan "Makarov" tapanshasy tabylǵan. Qyrǵyzstandyq polıseıler anyqtaǵandaı, qaza tapqan adam - Qazaqstan azamaty, esimi - Atanýh Shermatov.

Usynǵan: Nazerke Labıhan