Qyrǵyzstannyń burynǵy prezıdenti Asqar Aqaev "Moskovskıı komsomoles" gazetine suhbat berdi dep jazady Qamshy.kz aqparat agenttigi centralasian.org saıtynyń deregin negizge alyp. 

Jýrnalısiń Qyrǵyzstanǵa qaıta oralýǵa qatysty saýalyna ol "kedergi joq" dep jaýap bergen. "Básekelesterim meniń jaǵdaıym jaqsaryp, jaqynda qaıtyp oralýym múmkin ekendigin sezedi, sol sebepti maǵan qarsy aqparattyq shabýyldar jasaı bastady. Jaqynda keıbir aqparat quraldary meni "jerlep" tastady", - dep málimdedi Aqaev.

"Degenmen Atambaev (Qyrǵyzstannyń burynǵy prezıdenti) bıligi kezinde men eki baýyrymdy jerleý úshin Qyrǵyzstanǵa kele almadym. Meni áýejaıda ustaıtyndaryn eskertken. Jeenbekov komandasynan men mundaı qoqan-loqy estimedim", - dedi burynǵy prezıdent.

Asqar Aqaev – Qyrǵyzstannyń tuńǵysh prezıdenti. Ol 1991-2005 jyldar aralyǵynda memleket basqardy. 2005 jyly 24 naýryzda ol halyq kóterilisi kezinde elden qashyp ketti. Onyń bılikten taıdyrylýyn "qyzǵaldaq tóńkerisi" dep atady.

Usynǵan: Ásel Bolatqyzy