Jambyl oblysy Qarataý qalasynda joǵalyp ketken 8 jasar qyzdyń múrdesi tabyldy dep jazady Qamshy.kz aqparat agenttigi. Arýaı esimdi qyzdyń anasy qyzynyń kıimderinen tanyp, qaıtys bolǵan qyzdyń Arýaı ekenin rastady. Atalmysh is boıynsha qylmystyq is qozǵalyp, tergeý jumystary júrgizilip jatyr. 

Aıta ketsek, 24 sáýirde Talas aýdandyq polısıasyna 8 jasar qyzdyń joǵalýyna baılanysty aryz tústi. Arýaı balalarǵa arnalǵan óner mektebine baryp, úıge qaıtyp oralmaǵan. Arýaıdyń atasy únemi bıge daıyndyqqa ózi aparyp-ákelip júrgen. Biraq dál sol kúni Arýaı úıge ózi qaıtyp kelýi kerek bolatyn. İzdeý jumystaryna polısıa qyzmetkerlerinen bólek 70-ke jýyq belsendiler atsalysqan. 

Qazir qyzdyń múrdesine saraptamalyq tekseris júrgizilýde. Atalmysh oqıǵa Jambyl oblysynyń ákimi men İİM Erlan Turǵymbaevtyń baqylaýynda. 

Usynǵan: Ásel Bolatqyzy