Qazaqstan musylmandary dinı basqarmasynyń Sharıǵat jáne pátýa bólimi 2022 jylǵy dinı kúnder kestesi bekitilgenin habarlady.

Basqarmanyń baspasóz qyzmeti taratqan aqparattyq habarlamada Hıjrı aılardyń bastalýy halyqaralyq astronomıalyq zertteý ortalyqtarynyń málimetteri negizinde jasalǵanyn aıtady. Dese de pátýa mamandary dinı merekelerdiń naqty kúnderi jańa aıdyń kórinýine baılanysty kórsetilgen ýaqyttan bir kún shegerilýi nemese alǵa jyljýy múmkin ekenin eskertken.

Kestege sáıkes, 2022 jylǵy oraza 3 sáýir-1 mamyr aralyǵynda bolady. Qadir túni sáýirdiń 28-nen 29-na qaraǵan túnge sáıkes kelse, qurban aıt merekesi 9-11 shilde aralyǵyna belgilenip otyr. Máýlit qazannyń 7-si men 8-iniń birinde bolady.