АҚШ-тың арнайы ядролық мақсаттағы Констант Феникс ұшағы радиоактивті заттарды анықтау үшін Оңтүстік Қытай теңізі аймағында кіргені хабарланды. "Бұл туралы әскери мамандар мәлімдеді" деп жазды Оңтүстік Қытай Таңғы Газеті (SCMP). 

АҚШ-тың ядролық шабуылға арналған сүңгуір кемесі Оңтүстік Қытай теңізінде су астында соқтығысқа ұшыраған болатын.

Көп өтпей Қытайдың Бейжіңдегі сараптама орталығы аймаққа американың бес барлау ұшағы кіргенін мәлімдеді. Бұл туралы Бейжің жасандысеріктен түсірілген суреттерді жариялады.

Бұған дейін АҚШ Әскери-теңіз күштерінің ядролық сүңгуір кемесі Оңтүстік Қытай теңізіндегі халықаралық теңіз аймағына белгісіз нысанға соғылған. Оқиғадан кейін Вашингтон елеулі алаңдаушылық білдіріп, "бұл Қытай тараптың ядролық қимылдарының ықпалы" деп күдіктенген. 

"Оңтүстік Қытай теңізіне кірді" делінген Вашингтонның "ядролық иіс сезгіш" деген лақап аты бар "Boeing WC-135" барлау ұшағының негізгі міндеті – ядролық жарылыстардан радиоактивті қалдықтарды анықтау және атмосфералық үлгілерді жинау.

– "WC-135" Оңтүстік Қытай теңізі аймағына сирек келеді. Оның аймақтағы соңғы қызметі 2020 жылдың қаңтарынан басталады, – деді Оңтүстік Қытай теңізіндегі стратегиялық жағдайды зерттеу орталығы. Бейжіңде орналасқан зерттеу орталығы бұл ақпаратты өзінің WeChat ресми аккаунтында мәлім етті.