Ауғанстан астанасы Кабулдың орталығындағы Сардар Даудхан әскери ауруханасы аймағында екі үлкен жарылыс болды, деп хабарлады Al Jazeera ақпарат агенттігі.

Оқиға бүгін, 2 қарашада болған. Куәгерлердің айтуынша, миналанған көлік жарылған. Бірінші жарылыстан бірнеше минут өткен соң, тағы бір екінші жарылыс боған.

Оқиғаның жай-жапсары анықталуда. Жарылысқа байланысты "Талибан" қозғалысының шенеуніктерінен ешқандай түсініктеме түскен жоқ.

2021 жылғы 3 қазанда Кабулдағы Идга мешітінің кіреберісінде "Талибан" қозғалысы мүшелерінің бірінің анасына арналған дұға кезінде жарылыс болған. Оның салдарынан 8 адам қаза тауып, тағы 20 адам жарақат алған. Шабуыл үшін жауапкершілікті ДАИШ мүшелері өз мойнына алды.