Ұлан Байжанов Бас прокурордың орынбасары болды

Ұлан Байжанов Қазақстан Республикасы Бас прокурорының орынбасары болып тағайындалды. Бұл туралы Ақорда сайты хабарлады.

Ұлан Байжанов 1958 жылы Алматы қаласында дүниеге келген. Қазақ мемлекеттік университетін тәмамдаған.

1987-1991 жылдары – Алматы қалалық атқару комитетінің нұсқаушысы, бөлім меңгерушісі.

1991-1995 жылдары – Алматы қалалық әділет басқармасының бастығы.

1995-1997 жылдары – "Алматы-Заң" құқықтық орталығының бас директоры.

1997-1999 жылдары – "Қазақтелеком" ашық акционерлік қоғамының вице-президенті – атқарушы директоры.

1999-2002 жылдары – Қазақстан Республикасы мемлекеттік кіріс вице-министрі.

2011 жылғы қаңтардан – 2012 жылдың қыркүйегіне дейін ҚР Бас прокуратурасы аппаратының жетекшісі.

2015 жылдың тамызында Бас прокуратура жанындағы Құқық қорғау органдары академиясының ректоры қызметіне тағайындалған.