Қазақстандықтардың орташа жасы 32 жасты құрады

Қазақстан – жас ұлт. 2021 жылдың қорытындысы бойынша қазақстандықтардың орташа жасы 32 жасты құрады, бұл жастар санатына жатады. Бұл туралы Ұлттық статистика бюросы Халық санағы департаментінің директоры Нұрлан Қожаков хабарлады. 

«Еліміздегі халықтың орташа жасы баяу өсіп жатыр. Өткен санақпен салыстырғанда, 2021 жылы орташа жас 31-ден 32-ге дейін өсті. Мысалы, Еуропа елдеріндегі орташа жас Македония мен Норвегияда – 39.5 жастан Германия, Италия және Грекияда – 46.5 жасқа дейін құбылады. Америка Құрама Штаттарында орташа жас – 38.5 жас, ал Қытайда 38.4 жасты құрайды. Халықтың қартаю үрдісін ТМД елдерінде де байқауға болады: Арменияда орташа жас – 36.6 жас, Ресейде – 40.3 жас, Беларуста – 40.9 жас»