АҚШ-та өлтірілген жеткіншектердің отбасы балаларды Қазақстаннан асырап алған, - деп хабарлайды «Қамшы» порталы.

«Мен қазіргі кезде тек екі баланы менің әпкем Лана Қазақстаннан асырап алғанын ғана айта аламын», - деді  Лана Карлсонның туған сіңлісі  Джейми Нокула. Бұл туралы  РИА Новости хабарлады.

Естеріңізге салсақ, жұма күні Вашингтон штатының тұрғыны Дэвид Кэмпбелл өзінің әйелі Лана Карлсон (49 жаста) мен асырап алған екі баласы  Куин Карлсон (16 жаста) және Тори Карлсонды (18 жаста) атып өлтірген.  Кейін ол өз-өзіне қол жұмсаған.  Көз жұмған тағы бір қыздың есімі әзірге аталмады. Көршілері олардың орыс тілінде сөйлескендерін айтқандықтан, жеткіншектерді Ресейден асырап алған деген болжам айтылған болатын.