Қытай Украинадағы жағдайға қатысты мемлекеттерді сабырға шақырды. Қытай басшысы Ши Жинпиң: "Украина мәселесіне байланысты Қытай бейтарап әрі тура бағытты ұстанып отыр. Және басқа мемлекеттер де барынша салқынқанды әрпі сабырлы болуы керек",- деді АҚШ президенті Барак Обамамен телефон арқылы тілдесуінде. Сондай-ақ, бұл жағдайдың бейбіт түрде шешілуін қалайтынын жеткізді: "Қытай тарапы Украина жағдайын жеңілдетуге қолдан келген шаралардың барлығын жасауға әзір. АҚШ-пен және басқа да тараптармен байланысқа баруға дайын",-деді ол.
