Ақтөбеде алты жасар қыз бала аяусыз зорланды. Бұл қылмысқа күдікті ретінде өгей әкесінің туысқаны қамауға алынды. Бұл туралы Qamshy.kz «Диапазонға» сілтеме жасап хабарлайды.
Жантүршігерлік жайт 15 қыркүйек күні шамамен түнгі тоғыздарда болған. Зорланған қыз баланы қорадан оның он жасар ағасы тауып, бірден ата-анасына айтып берген. Ата-анасы сол сәтте полицияға хабар береді.
Сот-медициналық сараптама қыз баланың аяусыз зорланғанын растады. Күдікті анықталып, қамауға алынды. Ол - қыз баланың өгей әкесінің бауыры болып шыққан. 30 жастағы ер адам сол күні кеште туысқанына қонаққа келген екен.
Зардап шегуші емханаға жатқызуды қажет етпеді. Бүгінде онымен психологтар жұмыс істеуде.
