Астанада жедел жәрдем көлігі жол апатына түсті. Жол-көлік апаты бойынша тексеру жұмыстары жүріп жатыр. Аталған оқиғаның барлық жай-жапсары анықталуда, деп хабарлады ҚазАқпарат.
Алдын ала болжам бойынша, жедел жәрдем көлігін басып озғысы келген «Лада» маркалы автокөлігі қарсы жолаққа шығып, патрульді автокөлікпен соқтығысқан. Соқтығыс салдарынан патрульді көлік қарсы беттегі жедел жәрдеммен соқтығысады. Ал «Лада» жүргізуші көлікті басқара алмай, көше шамының бағанасына ұрынған. Жол-көлік апатынан «Лада» жүргізушісі ауруханаға жатқызылды.
