Ағайын, көш жайынан кімнің хабары бар? Көктемнің жылы желіндей болған Қазақ көші туралы биік мінберлерлерден айтылған "жылы жаңалықтар" қайда кетті... 
Көш легі құйылар деп күткен мамыражай маусымдар жылыстап кетіп барады. Күн-күн сайын ұлтсызданудың телегей теңізіне шым-шым батып бара жатқан ағайын келеді көз алдыңа. Қазірге біздің көріп отырғанымыз демалыстағы депутаттар мен үндемеген үкімет... Қаралып жатқан шығар деген үметпен күн өтіп барады. Күн емес-ау, уақыт өтіп барады. Түсінесіздер ме, УАҚЫТ!!! Үлкен үмітке жетелейтін сөздер айтылды. Қайда болсын сөз заң емес қой. Заң өзгермегесін ісжүзінде көші-қон мәселесі бәз-баяғыдай... Жаздық демалысты пайдаланып қыдыра келгендерді де тіркеу мұң болып тұр. Ал, сонда ар жақ - бер жақтан бірер отбасы көшіп келе қалса... Азаматтық сұрай қалса... Отан деген атың бар "Кеше айтқандарың қайда?" деп қалса... "Тәуелсіз отаным, егемен елім емеспісің, неге майпоздап отырсың" десе... Құдай-ау, не бетіңді айтасың?! Ел болып не айтамыз?! Сөз қуаныш қашан көз қуаныш болар екен?

(Оразбек Сапарханның фейсбуктегі парақшасынан)