27 ақпанда Нұрсұлтан Назарбаев Алматы қаласында Ресей Федерациясының Президенті В.Путинмен кездеседі. Бұл туралы Ақорданың баспасөз қызметі хабарлады.
Келіссөз барысында екіжақты ынтымақтастықтың кең ауқымды мәселелері, сондай-ақ күн тәртібіндегі өңірлік және халықаралық жайттар талқыланады деп жоспарланып отыр.
Айта кетер болсақ, лидерлердің Алматыдағы соңғы кездесуі 2006 жылы 17 маусымда Қазақстандық «Kazsat» тұңғыш байланыс спутнигін ұшыру қарсаңында өткен болатын.
