АҚШ Қазақстанның Дүниежүзілік сауда ұйымына кіруін қолдайды. Бұлай деп дүйсенбі күні Нью-Йорктегі Қазақстанның Сыртқы істер министрі Ерлан Ыдырысовпен кездесу қорытындысы бойынша АҚШ мемлекеттік хатшысы Джон Керри мәлімдеген. Кездесу БҰҰ Бас ассамблеясы алаңында өтті.
Сондай-ақ, ҚазАқпараттың жазуынша Джон Керри АҚШ-тың "Қазақстанның егемендігін, аумақтық тұтастығы мен әлемдік аренада өсіп келе жатқан көшбасшылық рөлін " қолдайтынын да айтқан.
Естеріңізде болса, бірнеше ай бұрын Президент Назарбаев Қазақстанның ДСҰ-ға кіру дайындықтары аяқталуға жақын екенін, биыл жыл соңына дейін ұйымға мүше болуымыз мүмкін екенін айытқан болатын.
Қамшы-ақпарат
