Елбасының діни сауатсыздық туралы пікіріне орай Сенат Төрағасы өз пікірін білдірді деп хабарлайды Қамшы АА.

ҚР Сенат Төрағасы Қасым-Жомарт Тоқаев Елбасының сөзіне орай «Нағыз исламшылдық бұл қара киім, келте шалбар, ұзын сақал емес, бұл имандылық, білімділік, еңбекқорлық, кеңшілік. Елбасымыз өте дұрыс айтты», - деп жазды Twitter-де.

Айта кетсек, бүгін Президент Назарбаев ҚМБД өкілдерімен кездескенде діни сенімнен туатын қоғам түйткілдеріне тоқталып, «Діни сауатсыздығының нәтижесінде жастарымыз сақал қойып, шалбарының балақтарын қысқартып тастайды. Қара көйлек киіп, беті-аузын тұмшалаған қыздарымыздың қатары көбейді. Бұл біздің дәстүрімізге де, халқымызға да жат. Бұған заңнамалық деңгейде тыйым салу мәселесін пысықтау керек. Қазақ қара киімді қаралы кезде ғана киеді», - деген еді. 

Нағыз исламшылдық бұл қара киім, келте шалбар, ұзын сақал емес, бұл имандылық, білімділік, еңбекқорлық, кеңшілік. Елбасымыз өте дұрыс айтты.

— Kassym-JomartTokayev (@TokayevKZ) April 19, 2017