Бұл туралы Парламент Мәжілісінің Әлеуметтік-мәдени даму комитетінің кеңейтілген отырысында "Жастар" ғылыми-зерттеу орталығының директоры Жанар Бұқанова мәлімдеген.  Мәліметке сай Дүниежүзілік денсаулық сақтау ұйымының және ЮНИСЕФ деректеріне сәйкес, Қазақстан суицид жиілігі жүз мың адамға шаққанда 15 оқиға құрайтын елдердің қатарына кіреді. Қазақстанда өз-өзіне қол жұмсау фактілері, көбінесе 15-19 жас аралығындағы бозбалалар мен бойжеткендер арасында кездеседі.

Nur.kz сайтында жазылған ақпаратқа сай, 2012-2013-жылдары Қазақстан бозбалалар өлімі бойынша екінші орында, ал бойжеткендер өлімі бойынша - бірінші орында болған.

"Қазақстанда 15-19 жас аралығындағы 31 мыңнан астам жасөспірім өзіне-өзі қол салу салдарынан ажалынан бұрын өлген. Бүгінде осы жастағы бойжеткендер мен бозбалалар арасындағы суицид Түркия мен Қазақстанда жиі кездеседі. Қайғылы оқиғалардың көп жағдайлары балалардың алкогольдік ішімдіктерді тұтынып, нашақорлыққа берілуінен болып жатады", - деп мәлімдеген Жанар Бұқанова өз сөзінде. Қамшы-ақпарат