Бірнеше депутаттар зардап шегіп, оқиғаға полиция қызметкерлері араласуға мәжбүр болды, деп хабарлайды Эхо Москвы басылымы. Мәліметтің қазақша нұсқасын Қамшы ақпараттық агенттігі оқырман назарына ұсынады.
«Бірегей Македония» қозғалысының бір топ белсендісі президентке қарсылығын білдіріп, заңнамалық ғимаратқа баса-көктеп кірген. Олардың мұндай іс-әрекетке баруының басты себебі – парламент спикері лауазымына этникалық албан ұлтының өкілін сайлауы. Бүлік туғызушылар заң шығарушыларды сатқын деп айыптап, оларға үстелдерді лақтырып, күш көрсеткен. Аталмыш оқиғаның салдарынан бірнеше депутаттар зардап шегіп, ауруханаға жеткізілді.
