Алматы-Талғар тас жолындағы құрылыс заттары сақталған қойма өртеніп жатыр. Өрт туралы хабарлама таңғы сағат 6:37-да түскен, - деп хабарлайды ҚазАқпарат.
Тілсіз жау бірнеше контейнер мен қоймаларды, әкімшілік ғимаратты шарпыған. Оқиға орнында жұмыс жасап жатқан жедел қызмет өкілдерінің айтуынша, қойма маңындағы үйлерге де от тиген.
Өрт көлемі 700 шаршы метр аумақты шарпыған. Құрылыс материалдары сақталған бірнеше контейнер мен 2 жүк көлігі мен трактор, электрокар түгі қалмай жанып кетті.
Естеріңізге сала кетейік, осыған дейін де Алматы қаласындағы базарларда бірнеше рет өрт шығып, салдарынан жүздеген миллион теңгенің тауарлары күйіп кетіп еді.
Пікір қалдыру