Йеменде тырысқақ ауруына шалдыққандардың саны 300 мыңнан асты. Қауіпті дерттен 1 мың 600-ден астам адам көз жұмған. Мұны Халықаралық Қызыл крест комитеті мәлімдеді. Бұл туралы Қамшы ақпарат агенттігі шетелдік БАҚ-қа сілтеме жасап хабарлайды.
Ал өткен айдың соңында Дүниежүзілік денсаулық сақтау ұйымы жұқпалы аурудың ел аумағында кеңінен таралып бара жатқанын хабарлады. Мамандардың айтуынша, күніне 7 мыңнан астам адам қауіпті дертті жұқтырады екен. Өйткені індетпен күресу үшін дәрі-дәрмек пен мамандар тапшы.
Айта кетейік, Йеменде тырысқақ ауруының шығуына 2014 жылы басталған Абд-Раббу Хади үкіметі жақтастары мен хусит көтерілісшілері арасындағы соғыс түрткі болды.
Шолушы: Айгерім Таубай
