9 қыркүйек күні Астанада Қанат Ислам мен Брэндон Куктың арасындағы бокс кешінде өнер көрсеткен Жанқош Тұраровтың қарсыласын неге құлата алмағанын айтты деп хабарлайды Qamshy.kz ақпарат агенттігі.
Бұл туралы Жанқош өзінің Instagram парақшасында жазған болатын.
«Кешегі жекпе жек барысында алған жарақатыма байланысты уайымдап, қалімді сұрап жатқан ағайындарға рақмет. Аллаға шүкір барлығы жақсы, төртінші раундта қарсыласымның маңдайына тиген соққыдан кейін оң қолымды ауыртып алдым, артынан белгілі болғандай ішіндегі сүйегі шытынап кетіпті. Қазір гипс салып, ем қабылдап жатырмын. Бұл кәсіпқой бокс, рингте неше түрлі күтпеген жағдайлар орын алып жатады. Ең бастысы соңына дейін сәтті аяқтап, жеңіске жеттік. Бүкіл қолдауға келген жанкүйерлерге және теледидардың артында біз үшін уайымдап отырған қазақ xалқына алғысым шексіз. Жеңісті күндер көп болсын ағайын», - деп жазды Жанқош Тұраров.
