Астанада учаскелік полицейлер «Столичный» тұрғын үй кешенінде 8 қабаттан секірмек болған қызды құтқарып қалды, - деп хабарлайды Qamshy.kz ақпарат агенттігі.
Елордалық ІІД баспасөз қызметінің хабарлауынша, полиция қызметкерлері учаскені аралау кезінде бір қызды көріп қалған. Ол 8-қабаттың балконда тұрып, секірмек болған. Полиция аға лейтенанты Темірхан Қайырбеков пен полиция капитаны Асқар Папышев еш уақыт жоғалтпастан тездете 8-қабатқа көтеріліп, балконның шетіне таяп қалған қызды ұстап үлгереді»,-делінген хабарламада.
28 жастағы қыздың түсіндіруінше, ол өзінің жігітімен ұрысып қалыпты. Полицияның дерегіне қарағанда, қазіргі уақытта оған психологиялық тұрғыда көмек көрсетіліп жатыр.
