Шымкентте полицейлер ырқына көнбеген қыздың ішінен ұрған. Оқиға куәгерлері болған оқиғаны видеоға түсіріп алған деп хабарлайды Qamshy.kz ақпарат агенттігі.
Куәгерлердің айтуынша, Шымкенттегі кафелердің бірінде жанжал шығып, оқиға орнына полицейлер келген. Жанжалдың бел ортасында жүргендер тәртіп сақшыларына бағынбаған. Осыдан кейін полицейлер оларға күш қолданған.
Желіге тараған видеодан тәртіп сақшылары ұстағандардың барлығы әйелдер екенін көруге болады. Полицейлер күштеп әйелдерді көлікке отырғызбақшы болған. Алайда қыздар қарсылық танытқаннан кейін полицей қыздың ішінен ұрды.
