Бүгін Елордасы Астана қаласындағы Қазақ ұлттық Өнер университетінде профессор, мемлекеттік сыйлықтың лауреанты, жазушы-драматург Әкім Тарази студент жастармен кездесті. Кездесу – театр сыншысы марқұм Әшірбек Сығайдың төл шәкірттері Мирас Әбіл, Нұрислам Әбділдер жүргізетін «Ес-Аймақ» студенттердің мәдени-танымдық пікірталас бірлестігінің  ұйымдастыруымен өтті. Аталмыш кездесуде әсерлі әңгіме, әсем әуен, кермек-жұпарлы күй, риясыз пікір алмасу болды. Өмірден озған ғажайып жазушы-драматургтер жайында да есті естеліктерді жастардың жадында жаңғыртты. Әкім Тарази бүгінгі драматургияның кемшім тұстарын да тілге тиек етті. Ол бір сөзінде: «Қазіргі актерлерге көңілім толмайды. Сөздері дұрыс, бәрі «правилный», бірақ театрдан шыққан соң есіңде ештеңе қалмайды»,-дейді. Және де студентер: «Театр сыншысы Әшірбек Төребайұлынан кейін театр сыншысы деп кімді айтар едіңіз?», - деп қойған сақ сауалға Әкім аға: Мен шығармашылық адамымын, драматургпын. Мен Әшірбектей жаза алмаймын. Ал, Әшірбектің өресіне жетеқабыл театр сыншысы бізде жоққа тән!, - деп қынжылды. Басқа да өнер саласындағы санада жаңғырып жүрген сауалдарына жастар қауымы өз деңгейінде жауап алды. Кеш соңында жазушыға шығармашылық шабыт тілеген жастар, көтеріңкі көңіл күймен қимай қоштасыты.