Жуырда Ұлыбританиялық археологтар ежелгі Назарет қаласының маңында жүргізілген қазба жұмыстары барысында Иса пайғамбардың тұрған үйін анықтаған. Бұл туралы Qamshy.kz порталы хабарлайды.
Мәриям ана мен оның ұлы Иса пайғамбардың тұрған үйін, мекен-жайын нақтылау ісі XIX ғасырдан бастау алған. Бірақ, осы уақытқа дейін ғалымдар бұл іске бел шешіп кірісе қоймаған еді. Назаретте зерттеу жұмыстарын жүргізген ғалымдар жобамен қазба алаңының суретін жариялаған. Жарияланған фото суреттен ескі тас қабырғаның сұлбасын анық байқауға болады. Ал табылған ғимарат шамамен I ғасырға тиесілі деп болжайды. Ал ежелгі аңыз бойынша Иса пайғамбар Назареттен көшкен соң оның үйінің орнына шіркеу салған.
Нұрзат Тоғжан
Пікір қалдыру