Биыл Ұлттық бірыңғай тестілеу кезінде ең жоғары 140 баллды Алматы қаласындағы №123 мектеп-гимназиясының түлегі жинады.
"Құдайбергенова Шиара Әбдірахымқызы, Алматы қаласындағы №123 мектеп-гимназиясының түлегі, ең жоғары 140 баллды жинады. Шиара 25 маусымда Ұлттық аграрлық университет базасында тест тапсырған. Шиараны және оның ата-анасы мен ұстаздарын құттықтаймыз", —делінген баспасөз қызметінің хабарламасында.
Айта кетейік, елімізде ҰБТ 20 маусымда басталған. Тестілеуді биыл 102 447 түлек тапсырады.
