«...Әлиханды кім атты?» 
«...Ахметті кім атты?» 
«...Міржfқіпті кім атты?» 
«...Хәлелдерді кім атты?»

«...Мағжандарды кім атты?» 
«...Жүсіпбекті кім атты?» 
«...Мұхамеджан Тынышбай...» 
«...Жаханшаны кім атты?..»

Пенде - өмірдің қонағы, 
Көзіме жас толады... 
Бұл тізімді ар қарай 
Соза берсе болады?..

Ұлт сатқыны - жат мұндар, 
Ұлт серкесін аттыңдар? 
Боздақтарын «Алаштың», 
Ұстап берген сатқындар.

Өткен күнде - бар салмақ, 
Ауыр жаза қарсы алмақ. 
Сол сатқындар - 70 жыл, 
Өмір кешті алшаңдап.

Тоңбаған да, тоңған да, 
Оңбаған да, оңған да, 
Тәуелсіз ел болғалы 
Ширек ғасыр болғанда,

Ұлт ұланы жасып жүр, 
Жемқөр тасып, асып жүр, 
Сол сатқындар ұрпағы- 
Әлі де алшаң басып жүр.

Жүз жыл езген сол қайғы, 
Қазақ қана сорлайды. 
Сатқындардың ұрпағы- 
Аласталмай болмайды...

Қол салмасын тазаға, 
Жауап берсін қазаға! 
Ұлт сатқынын, ұрпағын, 
Тартпай болмас жазаға!..

Жұмаш Кенебай