ҚР Үкіметінің 2013 ж. 22 қараша № 698 Жарлығы бойынша 21-мамыр мәдениет және өнер қызметкерлері күні болып жарияланып, ҚР Мәдениет және спорт министрлігінің қолдауымен, қазіргі таңда елімізде кең көлемде аталып өтілуде.

Биылғы жылы, атаулы мереке – Министрлікке бағынысты республикалық мәдениет және өнер мекемелері арасында спорттық ойын түрлерінен жарыс түрінде ұйымдастырылып отыр.

Біз, Ғ.Мүсірепов атындағы Қазақ мемлекеттік академиялық балалар мен жасөспірімдер театрының ұжымы – аталмыш іс-шараға мини-футбол, шахмат, 100 метр қашықтықты жылдамдыққа жүгіру, 16 килограмдық кіртасын көтеру, арқан тартыс, волейбол сынды спорт түрлерінен сайысқа түсіп, бағымызды сынамақ ниеттеміз.

Осы себепті, барша әріптестерімізді төл мерекелерімен шын жүректен құттықтаймыз! Еңбектеріңізге жеміс, шығармашылықтарыңызға толағай табыстар тілейміз!

Өтетін орны:       Алматы қаласы, Шаңырақ мөлтек ауданындағы Республикалық Олимпиада резервін даярлау мектебі.

Басталуы:             10.00