Қасиетті Рамазан айында  Кувейт имамдары әлем мұсылмандарына сабақ боларлық шара ұйымдастырды. Бұл туралы «Қамшы» порталы islam.kz сайтына сілтеме жасай отырып хабарлайды.

Шілденің 3-і күні  Кувейттегі Ислам дінінің екі ағымын ұстанатын, сунниттер мен шииттер және олардың Бахрейндегі ағымдастары  алғаш рет Кувейттегі орталық мешітке жиналып, қасиетті жұма намазын оқыды.  Бұл туралы «Әс-Сафир» басылымы жазған.

Мешітке жиналған мыңдаған мұсылмандармен бірге Кувейттің әмірі де намаз оқыған.

Олар бұл арқылы әлем халқына мұсылмандардың бірлігінің һәм бейбітсүйгіштігін көрсетпек болған. Сондай-ақ, өткен жұмадағы  мешітті жарып жіберген, салдарынан 27 адам қаза тапқан қанды оқиғадан кейін; « бұл бірлік  сектант-радикалдарға сабақ болсын, бүкіл әлем біздің біріккеніміздің куәсі болсын»,  деген мақсатты берік ұсытанған екі ағымның өкілдері бір мәзхабта намаз оқыған.

Нұрзат Тоғжан