Мемлекет басшысы Нұрсұлтан Назарбаев елімізді әлемдегі бәсекеге барынша қабілетті отыз елдің қатарына енгізу міндетін қойып, оған жетудің алғышарттары мен жолын айқындап берді.

Бұл тұрғыда Оңтүстік Қазақстан облысы еліміздің өркендеуіне едәуір үлес қосып келеді. 

Ұлт денсаулығы – ел байлығы

Өңір басшылығы халықтың денсау­лы­ғын басты назарда ұстайды. Медициналық қызметтің сапасын жақсартуға, меди­ци­на­лық ұйымдардың материалдық-техни­ка­лық базасын нығайтуға ерекше көңіл қойыл­ған. Ал медициналық ұйымдармен жет­кілікті қамтамасыз етуде бірінші кезек­тегі жайттардың бірі болып саналады. Мә­се­лен, соңғы бес жылда денсаулық сақтау са­ласында 304 нысан бой көтерді (3 тубер­кулез ауруханасы, 7 емхана, 9 аурухана, 1 пер­зентхана, 8 медициналық көмек стан­сасы, 95 дәрігерлік амбулатория, 67 фельд­шерлік-акушерлік пункт, 98 ме­дициналық пункт және 16 түрлі нысандар). 
Оның ішінде «100 мектеп, 100 аурухана» бағдарламасы аясында 5 жылда 7 нысанның құрылысы жүрді (Шымкент және Түркістан қалаларында көпсалалы балалар ауру­ха­насы, облыстық қан орталығы, Ленгер қа­лалық орталық ауруханасы, Бәйдібек ау­да­нында ауданаралық туберкулезге қарсы дис­пансері). Ал 93 денсаулық сақтау меке­месі күрделі жөндеу жұмыстарынан өтті. 
Ал медицина қызметкерлерінің білік­тілігін арттыру да күн тәртібінен түскен емес. Жыл басынан бергі 6 айдың өзінде 5623 маман білімін жетілдірді. Әртүрлі циклдарда жыл сайын оқытылатын ма­мандардың саны 10 есеге өсіп отыр. Ма­мандарды оқытуда халықаралық ын­ты­мақ­тастық және мультидисцип­линар­лық тә­сілдеме кеңінен дамып келеді. Олардың қа­тарында Литва, Оңтүстік Корея, Польша, Түркия, Израйль, Ресей, Украина, Бело­рус­сия және АҚШ елдерімен ықпалдастық бар. Есесіне, дәрігерлер қазіргі заман та­ла­бына сай қондырғылар мен құрал-жаб­дық­тарда еркін жұмыс істей алатын дә­ре­жеге жетті.
ТМД елдері бойынша алғаш рет біздің об­лыстың онкологиялық диспансерінде скринг-орталық ашылғанын ерекше айтып өткен жөн. Яғни Қазақстанда тұңғыш рет қалқанша бездің обырын және жуан ішек­тің обырының ерте диагностикасын анық­тау басталды. Облыстық онколо­гия­лық диспансерде радиологиялық корпус іске қосылды. Қазіргі таңда облыстық онколо­гиялық диспансер дәрігерлері моңғолдық профессорлармен бірігіп, бауыр ісігін ем­деудің жаңа әдістерін меңгеруде. Әрине, бұл орасан зор көрсеткіштің барлығы ден­саулық сақтау басқармасының медицина қыз­меткерлерінің біліктілігін жоғарылату жө­ніндегі жоспарлы жұмысы болып та­бы­лады. 
 Өңірдегі облыстық кардиологиялық ор­талық республикада Астана мен Алма­ты­дан кейін үшінші орында көш бастап тұр. Олай дейтініміз, мұнда облыс тұрғын­дарынан бөлек, өзге өңір тұрғындары да сырқатына ем іздеп келеді. Өйткені жүрек ақауларын емдейтін қондырғы Қазақстан бойынша осы кардиологиялық орталықта орнатылған. Қондырғының көмегімен орталықта бүгінге дейін екі мыңнан астам науқасқа ота жасалды. 2005 жылы әлемдегі сегізінші ел болып, ал Қазақстан бойынша алғаш рет осында жүректің ишемиялық ауру­ларында қолданылатын экстракор­по­ральдық екпінді-толқынмен соғу (ЭКУВТ) қондырғысы орнатылып, ашық жү­рек­ке жасалынған отадан кейінгі қайталамалы жағдайларда миокардта ангионеогенезді жандандыруға ықпал ететін ем түрін жасау басталды. Бұл бағытта қазіргі таңға дейін 500-ден астам науқасқа ем жүргізілді. 
Мәселен, биыл ОҚО мәслихатының ше­шімімен жергілікті бюджеттен 140, 8 млн теңге бөлініп, «Carto-3» үшөлшемді на­ви­гациялық жүйе сатып алынды. Бұл құрал науқастардың өмір сапасын жақсар­туға айтарлықтай үлес қосуда, себебі осы арқылы жүректің кез келген жерін анық көруге мүмкіндік туды. 
Сондай-ақ облыстық балалар ауруха­насы жаңа туған балалар хирургиясының аймақтық орталығы мәртебесін иемден­генін де атап өткенді жөн көрдік. Себебі бұл орталықта Оңтүстік Қазақстан облы­сы­ның ғана емес, көрші Қызылорда, Жам­был облыстарынан келетін нәрестелердің туа бітті ақауларына ем жасайды. Сондай-ақ заманауи технологияларға негізделген операциялар, офтальмология және эн­до­кринология саласында жасалуда. 
Аймақта ана мен бала денсаулығы жіті на­зарға алынған. Осылайша, ана мен бала өлімін азайту, олардың денсаулығына баса назар аудару мақсатында облыс әкімдігі мен Денсаулық сақтау және әлеуметтік даму министрлігінің тікелей жетекші­лігі­мен бірқатар игі шаралар атқарылды. Нә­ти­жесінде республикада алғаш болып нео­натальды құрамасы бар перинаталдық кө­мектің аумақтандырылуы ендірілді. Озат тех­нологияларды ендіру бағытында ЮНИСЕФ, ЮНФПА секілді халықаралық ұйым­дармен әріптестік жұмыс жүргізілуде. Жүзеге асқан іс-шаралар нәтижесінде соң­ғы 5 жылда ана өлімі 2,2 есе төмендеп, нә­­рес­телер өлімі 1,8 есеге азайып отыр. 

Сұранысқа қарай – мамандық 
Жаңадан бой көтеріп жатқан білім ошақ­­тарынан бөлек, мектептердің мате­риалдық-техникалық базасы жаңартылуда.
Өңірімізде бұл тұрғыдан да ауыз тол­ты­рып айтарлықтай көрсеткіштер мол. Биыл 1454 (оның 647-сі жекеменшік) мектепке дейін­гі ұйымға жалпы 157780 бала қам­тыл­ды. Яғни мемлекеттік бағдарлама ар­ты­ғымен орындалып отыр. Биыл рес­пуб­ли­калық және облыстық бюджет есебінен бө­лінген 23,7 млрд теңгеге 104 білім оша­ғы­ның құрылысы жүргізілуде.
Биылғы оқу жылына 49 мектеп пайда­лануға берілді. Бұл үш ауысымды мектептің 3-еуі, апаттық мектептің 27-інің, ыңғай­лас­ты­рылған ғимараттың 13-інің және 2 мек­тебі жоқ елді мекеннің мәселесін шешті де­ген сөз. Енді қалған үш ауысымды – 21, 17 апатты мектептің мәселесі келер жыл­дар­дың еншісінде. Сонымен бірге саман­нан салынған мектептердің қатары да жыл­дан-жылға азайып келеді. Биыл жыл ба­сында олардың саны 153-ке төмендесе, ке­лер жылға 118-ге азаймақ. Жаңа оқу жы­лына 100 мектеп күрделі жөндеуден, 697 бі­лім ошағы ағымдағы жөндеуден өтіп, ба­лаларға айқара есігін ашты. 
Жаңа оқу жылында облыстағы 1022 мек­тепке 602 396 оқушы қабылданды. Ал, мек­теп табалдырығын жаңадан аттағандар­дың саны – 70448. 
Елбасы Жолдауындағы тапсырмаға сәй­кес «Назарбаев зияткерлік мектеп­тері­нің» тәжірибесін барлық жалпы білім бере­тін мектептерге тарату үшін тірек мектеп­те­рі мен үш жыл бойында деңгейлік оқу­лар­дан өткен 8450 педагог жұмыс жүргізуде. Оқу­шылардың сапалы білім алуына жасалған осындай жағдайлардың нәтижесінде мек­теп бітіруші түлектердің білім деңгейі ҰБТ қорытындысымен есептегенде орта балл 78,8 болған. «Алтын белгіге» 608 түлек ие бол­ды. Бұл – республикадағы «Алтын бел­гі» иегер­лерінің 30 пайызын біздің облыс­тың бітірушілері құрады деген сөз. Ал 96 бала халықаралық олимпиада мен ғылыми жо­балар жарыстарының жеңімпаздары ре­тінде ҰБТ тапсырудан босатылды. Бол­га­рияның астанасы – София қаласында өт­кі­зілген «Черно Ризец Храбр» халық­ара­лық математикалық олимпиадаға барған 21 оқушының 16-сы жүлделі оралды.
Облыстық білім, жастар саясаты және тілдерді дамыту басқармасы мен «Ин­те­л­лек­туал – 2050» қоры бірлесе отырып Тұң­ғыш Президент күні мерекесі аясында МИСиС Ұлттық ғылыми-зерттеу техно­ло­гия уни­вер­ситетінің ұйымдастыруымен 11-сы­нып­тардың арасында математика пә­нінен «Бо­лашақ әлем металлургтері» олимпиа­да­сы өткізілді. Қорытындысы бойынша 10 жеңімпаз МИСиС Ұлттық ғы­лыми-зерттеу технология универ­си­те­тінің грантына ие болып, студент атанды. «Интеллектуал – 2050» халықаралық қо­ры­мен екі жақты келі­сімшарттың негізінде облыста жүлделі орын­ға ие болған 1 оқушы те­гін жолда­ма­мен, ал 2-уі жартылай жеңіл­дікпен Мәс­кеу­дегі математикалық олим­пиадаға барып қайт­ты.
Оңтүстік Қазақстан облысында жетім және ата-анасының қамқорлығынсыз қал­ған балалар мейлінше қамқорлыққа алын­ған. Былтыр олардың 260-ы тұрғын үймен қам­тылса, биыл 35-іне баспана берілді. Жыл соңына дейін 65 жасөспірім пәтерлі бола­ды деп күтілуде.
Кәсіптік-техникалық білім беру сала­сында мамандықтарды зерделеу барысында үдемелі индустриалық-инновациялық даму бағдарламасына сәйкес қажетті тех­никалық мамандықтарға сұраныс айқын­далып, соң­ғы 3 жылда колледждерде 20 жаңа маман­дық ашылды.
Кәсіпорындармен өзара байланысты ны­ғайтудың нәтижесінде дуальді оқыту жүйе­сін жетілдіру мақсатында облыстық кә­сіп­керлер палатасымен бірлесіп, құры­лыс, техникалық, ауылшаруашылық және қызмет көрсету салалары бойынша 8 кол­леджде 9 мамандық бойынша 225 студент, ал 2015 жылы 36 мамандықпен 24 колледж­де 1024 студент дуальді оқыту жүйесімен оқы­тылды.
Елімізде «Техникалық және кәсіптік білім­ді модернизациялау» жобасы аясында Дү­ниежүзілік банк есебінен 2014-2015 оқу жылында облыстағы 5 колледж: №2,№3, Түр­кістан гуманитарлық-техникалық, Кен­тау көпсалалы, Қапланбек гуманитар­лық агробизнес колледждері 285 млн теңге көлемінде грантты иеленсе, 2015 жылы 2 кол­ледж: Түркістан гуманитарлық-тех­ни­калық, Кентау көпсалалы колледждері 92 млн теңге көлемінде грантты иеленіп, 5 ма­мандық бойынша модульдік бағдарлама жа­сап, маман даярлауда.

Жетімін жылатпаған...
Мүмкіндігі шектеулі азаматтардың жұ­мыс­пен қамтылуы үшін түрлі іс-шаралар ұйым­дастырылып келеді. Биыл жыл басы­нан 1424 адам жұмыспен қамтылған. Сон­дай-ақ мүгедектердің жұмыспен қам­тылуы­на 2011 жылдан бастап «Жұмыспен қамту 2020 жол картасы» бағдарламасының іске асырылуы өз септігін тигізуде. Соны­мен бірге оларды жұмысқа орналастыруда бос жұмыс орындары жәрмеңкелерін ұйым­дастырудыңда нәтиже беретіні сөзсіз. Биыл осы бағытта 16 жәрмеңке ұйымдас­ты­ры­лып, 276 жұмыс беруші 596 бос жұмыс орындарын ұсынды. 
Өңірде әлеуметтік салаға қатысты бұ­дан өзге де игілікті шаралар жүзеге асып ке­­леді. 
 

Дереккөз: Айқын-ақпарат