Алматыда «Даму» қоры­ның ұйымдастыруымен алғаш рет «Қа­зақстанда жасалған» атты отан­дық өндірушілердің көрмесі өтті.
 Кәсіпкерлер форумына Қазақстан­ның барлық өңірлерінен келген жүз­ден астам өндіріс компаниялары өз өнімдері мен қызметтерін көр­ме­ге шығарды. 
 
«Қазақстанда жасалған» көр­ме­сі­нің мақсаты – «Даму» қоры құ­рал­дары арқылы мемлекеттік қол­дау алған отандық өндірушілердің өн­дірген өнімдерін көрсету. Көр­меге Қазақстанның барлық ай­ма­ғынан келген 100-ден аса, соның ішін­де тамақ, құрылыс саласы, жи­һаз, киім, арнайы техникалар мен жабдықтар, сонымен қатар 
кә­десыйлар мен баспаханалық өнім­дер шығаратын компаниялар қа­тыс­ты. Кәсіпкерлер форумының ашылу рәсімінде Алматы қала­сы­ның әкімі Бауыржан Байбек, «Бәйтерек» Ұлттық басқару хол­дин­гі» басқарма төрағасының орын­басары Алина Алдамберген, «Даму» кәсіпкерлікті дамыту қоры» АҚ басқарма төрайымы Ләззат Ибрагимова сөз сөйледі. 
– Құрметті, кәсіпкерлер, Ал­ма­ты қаласына қош келдіңіздер деп бастады сөзін форумды ашқан Ал­ма­ты қаласының әкімі Бауыржан Байбек. – Қазақстанның кәсіп­кер­лері осында жиналып, Алматыда өт­кізіліп жатқан бұл шара өте ма­ңыз­­ды деп санаймын. Мұндай фо­рум­ның мұнда өтіп жатқаны те­гін емес, Алматы үнемі Елбасының на­­зарында, осы қалада біздің тә­уел­сіздігіміз жарияланды, көптеген маңызды құжаттар қабылданды. Ал енді шағын және орта бизнеске келетін болсақ, Елбасының негізгі саясаты, тапсырмасы – кәсіп­кер­лерге қолдау көрсету. Шағын және орта бизнестің экономикадағы үлес салмағы басым болса, дамыған, тұ­рақты мемлекет боламыз. Сон­дық­тан Елбасының тікелей тапсыр­ма­сымен құрылған «Бәйтерек» және «Даму» институттары кәсіпкерлерге мем­лекет тарапынан көмек көр­се­тіп жатыр. Өндіріске ең қажеттісі қа­ражатқа қол жеткізу, қаражат бол­са барлық жоспарды жүзеге асыру­ға болады. Алдағы уақытта мем­лекет, қала тарапынан қолдау көр­сетіле береді. 
«Даму» кәсіпкерлікті дамыту қо­ры» АҚ басқарма төрайымы Ләз­зат Ибрагимованың айтуынша, «Да­му» қоры соңғы бес жылдың ішінде 23 мыңға жуық кәсіпкерге (22 965) қаржылай, 140 мыңға жуық кәсіпкерге (139 910) қаржысыз қол­дау көрсетіпті. Қазіргі кезде «Биз­нес­тің жол картасы – 2020» бағ­дар­ламасының несие портфелі 1,3 трлн ­теңгеден асты. Бүгінгі күні опе­раторы «Даму» кәсіпкерлікті да­мыту қоры» АҚ болып табылатын «Бизнестің жол картасы – 2020» мем­лекеттік бағдарламасы бойын­ша, 6 477 компанияның сыйақы мөл­шерлемесі субсидияланды. 106,5 млрд теңге өтеусіз субсидия тө­ленген. «Даму» қоры 2010 жыл­дан бастап 1 392 кәсіпкерлердің не­сиесі бойынша кепілдік берді. Оның 
687-сі 2015 жылдың 10 айын­ың ішінде берілген. Осы­лай­ша, биыл­ғы жылы «Даму» қоры өз ке­піл­дігімен елдегі берілген барлық не­сиелердің 5 пайызын қамтыды.
«Даму» қорының көмегімен  жұ­мысын бастаған «Petread Almaty» компаниясы жүк көліктерінің дөң­гелек резинасын қалпына келтіру­мен айналысатын көрінеді. Ком­па­ния директоры Нұр­жан Әбіл­қайыров­­тың айтуынша, қазіргі кезде Ал­матыдағы жолаушыларды тасы­мал­дайтын 800 автобус осы ком­панияның өнімін пайдаланады екен. Отандық өнімнің сапасы ше­т­елдік резиналардан кем емес, ал ба­ғасы екі есеге арзан тұрады. 
– Біздің компания бес түрлі ба­ғытта жұмыс жасап, 300-ден астам медициналық өнімдерді шығарады. Шетелдік компаниялармен бірлесіп жүзеге асыратын бірнеше жобалары бар. Былтырғы жылдың қорытын­ды­сы бойынша, компания 258 ме­ди­циналық «жедел жәрдем» көлік­те­рін медициналық қажетті құрал­дармен жабдықтады. Қазіргі кезде халық­аралық СЕ маркировкасын алуға дайындық жүргізіп жатырмыз, со­дан кейін өз өнімдерімізді Еуропа және Таяу Шығыс елдеріне экс­порт­­қа шығара бастаймыз. Ком­па­ния Дубайда өтетін жаңа техникалар көрмесіне екі жыл бойы қатысып жүр, алдымыздағы ақпан айында өз өнімін тағы да көрмеге шығармақ дейді Шымкенттегі медициналық құрал-жабдықтар өндіретін Kazmedpribor Holding компания­сы­ның техникалық жабдықтау бөлі­мі­нің менеджері Гүлдана Нұсқабаева. 
Көрмеге әр облыстарда жұмыс істеп жатқан кәсіпорындар, жеке кә­сіпкерлер өз өнімдерін алып кел­ген екен. «Арай-EAST FOOD» ЖШС аймақтық өкілі Бекболат Жа­қыпов шұжықтың түр-түрлерін алып келсе, тері илеп, тон тігетін же­ке кәсіпкер Гүлжан Қожабекова те­рі өнімдерін, Петропавл қала­сынан келген, қысқы, жазғы аяқ- киімдерін тігетін Виктор Петросян өз өнімдерін көрмеге шығарыпты.Бұлардың барлығы – «Даму» қоры­ның қолдауымен өндірісті жолға қойған кәсіпкерлер. Отандық кә­сіпкерлердің шығарған өнімдер, біріншіден, бағасы арзан, екінші­ден, шетелдік өнімдерден сапасы артық болмаса, кем емес екендігіне осы көрмеде көз жеткіздік. 
«Даму» қорының алдағы уақыт­та да отандық кәсіпкерлерге қаржы­лай қолдау көрсетуді тоқтатпайды. «Даму» кәсіпкерлікті дамыту қоры» АҚ басқарма төрайымы Ләззат Ибрагимованың айтуынша, шағын және орта бизнеспен айналысатын кәсіпкерлерге жылдық 6 пайызбен несиелеу  жүргізіледі. Субсидиялау да жалғасын табады. Сол үшін 7 мил­­лиард 200 млн теңге бөлініп отыр. Одан басқа «Даму» қоры Астана қа­ласы әкімдігімен бірлесіп, аймақ­тық қаржыландыру бағдарламасын іске асыра бастады. Бұл бағдар­ла­маны жүзеге асыруға «Даму» қоры тарапынан 1 млрд теңге, қала әкім­дігі тарапынан 500 млн теңге бө­лін­ген. Бұл бағдарламаға өз жобаларын Астана қаласында іске асыратын немесе іске асыруды жоспарлап отыр­ған Астананың кәсіпкерлері қа­тыса алады. Бүгінгі күні бұл бағ­дар­лама бойынша жалпы сомасы 390 млн теңгені құрайтын 2 жоба қар­жыландырылған. Сондай-ақ жал­пы сомасы 613 млн теңге көле­міндегі 9 жоба екінші деңгейлі банк­тер қарауында. Өңірлік үй­лес­тіру кеңесінде жалпы сомасы 515 млн­ теңге сомасындағы 4 жоба ма­құлданды, бірақ әзірше қаржы­лан­дырылған жоқ.
Жастар кәсіпкерлігін қолдау мен дамыту үшін «Даму» қоры Ас­та­на қаласы әкімдігімен бірлесіп «Astana-Damu–ZhasStarT» бағдар­ла­масын жүзеге асыруда. Бұл бағ­дар­лама экономиканың әртүрлі са­ласында жұмысын жаңадан бас­таған жас кәсіпкерлердің жоба­ла­рын қолдауға арналған. Бағдарлама бойынша несие сомасы 20 млн тең­­геге дейін, ал сыйақы мөлшерле­ме­­сі­нің жылдығы 7 пайызды құрай­ды. «Даму» қоры жұмысын жаңадан бас­таған жас кәсіпкердің несие со­­масының 85 пайызына дейін ке­піл­­дік береді. Бүгінгі күні Қор жал­пы со­масы 104,7 млн теңге сомасын­да­ғы 7 жобаны мақұлдады. Қор фи­­лиа­­лында 40 млн. теңге сомасын­да­ғы 4 жоба қаралуда. Бұл жобалар бойын­ша ішінара кепілдендіру қа­растырылған. «Даму» қорының ал­да­ғы уақыттағы жобалары осындай.