Jaqynda "Keshú" tobynyń qurylǵanyna 10 jyl tolyp, tanymal qyzdar trıosy elge esep berý konsertin ótkizdi, - dep "Revú" baǵdarlamasy habarlaıdy.
Konsert aıaqtalǵan soń, toptyń prodúseri Baıan Esentaeva ónerdegi jaqyn dostaryn dastarhan basyna jınaǵan bolatyn. Baıannyń qurmetti qonaqtarynyń qatarynda Aıqyn, Arman Dúısenov, Álisher Kárimov, Sanda, Aıda Qaýmenova, Kental, Naǵıma Esqalıeva syndy shoý-bıznes ókilderi bar.
Kóńildi keshtiń kórigin Naǵıma Esqalıeva qyzdyrdy. Ol "Keshú" qyzdarynyń birin uly Dıasqa qalyńdyq, ózine kelin etýge nıetti ekenin aıtty. Osylaısha, ol Baıan Esentaevamen qudaǵı bolmaqshy.
Qyzdaryna quda túsken soń, Baıan da tartynyp qalmaǵan. Ol Naǵıma Esqalıevanyń jaqsy qudaǵı bolatynyna senimdi.
Ázirge, Naǵıma Esqalıevanyń kelini naqty kim bolatyny belgisiz. "Keshú" qyzdary da bul usynysqa ketári emestigin jetkizdi. Alaıda, Esqalıevanyń kelini bolý úshin áli 5-6 jyldaı ýaqyt kerek eken. Sebebi, ánshiler kelisim-shart boıynsha jumys isteıdi.
Eki taraptyń qudaǵı atanýyna keliskenin kórgen ánshi Búrkit tez arada syrǵa salý kerektigin eskertti.