Almatydaǵy «Taýgúl» yqsham aýdanynyń turǵyndary qala ákimdigi baspasóz qyzmetiniń ótirigin áshkereledi, - dep habarlaıdy Qamshy.kz informburo.kz – ke silteme jasap.

Turǵyndardyń aıtýynsha, 2015 jyldyń kúzinde yqsham aýdandaǵy bir aýlada gaz qubyryn tartý jumystary júrgen. Merdiger «Taraz-Agro-Prom-Servıs» kompanıasy qubyr júrgizgen soń, qazylǵan jerden alynǵan topyraqty aýlaǵa shashyp ketken. Osyǵan baılanysty turǵyndar ákimniń atyna hat jazady. Merdiger kompanıa bolsa, qalpyna keltirý jumystaryn júrgizýge mindetteledi. Alaıda, jarty jyldan astam ýaqyt ótse de ol jumys atqarylmaǵan. Al, 27 mamyr kúni eki azamat qazylǵan topyraqty kúrekpen aýla ishine jaıyp ketken.

Osy «qalpyna keltirý» jumystary týraly ákimdiktiń Feısbýk jelisindegi paraqshasynda keshe post jarıalanǵan. Onda «Spesgrýpp montaj» JSHS aýlany abattandyrý jumysy qalpyna keltirildi», - dep jazylyp, birneshe sýret jarıalanǵan. Turǵyndar ol sýretter basqa aýlada túsirilgenin, al, ózderi dabyl qaqqan aýdandaǵy jaǵdaı áli sol qalpynda ekenin aıtyp otyr.