Árıne, jylyna bir ret qana keletin Ramazan aıyn barlyǵymyz asyǵa kútetinimiz anyq. Alaıda kóbinese áıelder (tek áıelderge tán jaǵdaılaryna baılanysty, júktiligi, emizýli t.b sebeptermen) oraza tuta almaı jatady. Haıyz, nıfas t.b jaǵdaıdaǵy áıelderdiń orazasy jaıly kelesi maqalalarymyzdyń birinde jazatyn bolamyz. Al qazir júkti jáne emizýli balasy bar áıelderdiń jaıyna jeke toqtalsaq.

Ánas ıbn Málık (r.a) jetkizgen hadıste Paıǵambarymyz (s.ǵ.s.): «Shynynda, Alla jol júrip bara jatqandardy oraza men namazdyń jartysynan (ıaǵnı, tórt rákatty namazdar ekige qysqarady) bosatty. Al júkti jáne emizýli áıelderdi (tek) Orazadan bosatty» degen.

Eger áıel óziniń jáne balasynyń densaýlyǵyna zıan kele me dep qoryqsa, oraza ustamaýyna bolady. Biraq qazasyn basqa ýaqyttarda óteýi tıis.

Derekkóz: asylsoz.kz