Juldyzdar ónerinen bólek, eldiń aýzyna qalaı iligedi? Jaryna «ekinshi áıel» alyp beremin dep eldi shýlatqan ánshi Qaraqat Ábildına óz sózine qalaı jaýap berdi? Al, MS Saılaýbekti atyp ketkeni ras pa? Bul suraqtarǵa 31-arnadaǵy «Juldyzdar jarqyraıdy» baǵdarlamasy izdeıdi.

Sońǵy ýaqytta shoý-bıznes ókilderi eldi shýlatyp, dúrliktirýdi sánge aınaldyrǵan sıaqty. Sol arqyly tanymaldyǵymyz artady dep oılaıtyndaı. Jaqynda ánshi Qaraqat Ábildına jubaıy Qydyráli Bolmanovtyń týǵan kúnine "ekinshi áıel" syılaıtynyn aıtqan bolatyn. Alaıda, ánshiniń bul jazbasy jelide úlken talqyǵa túsken edi. Tipti, sahnadaǵy áriptesteri de Qaraqattyń bul áreketin túsinbeı qalypty.

Alaıda, ánshi artynan oılanyp, jubaıyna toqal alyp berý nıetiniń bolmaǵanyn, tek rızashylyǵyn osylaısha bildirgisi kelgenin aıtty. Degenmen, onyń pıar úshin jasalǵanyn jasyrmaıdy.  

Al, Qydyráli bolsa, óziniń jaýabyn ózi týraly jazyp jatqan kitabynda bildirmek. Prodúser ekinshi áıel máselesin sol týyndysynda aǵynan jarylyp aıtpaq.

Qydyráli Bolmanov, prodúser:

- Neden shyqqan áńgime ekenin keńinen bilgińiz kelse meniń kitabymnan oqyp alasyzdar. bir, eki aı kóleminde ol kitap jaryq kóredi. Onda kóp nárse aıtylǵan.

«Atyń shyqpasa jer órte». Bul reper Ms Saılaýbekke qarata aıtylsa kerek.  Ótken aptada reperge belgisiz bireýler oq atyp, Ms Saılaýbek aýyr halde aýrýhanaǵa tústi degen sýyt habar kópshilikti beıjáı qaldyrmady. Alaıda, bul aqparat jalǵan bolyp shyqty.

Ańdamaı jasalǵan jarnama MS Saılaýbektiń eki birdeı prodúserine ońaı tımeı tur. Sebebi, jalǵan aqparat taratyp, kópshilikti shýlatqany úshin olardyń ústinen qylmystyq is qozǵalǵan.

Saltanat Ázirbek, İİD baspasóz hatshysy:

- Iá, qylmystyq is qozǵaldy. 293 bap boıynsha, buzaqylyq.

Osylaısha, oıynnan ot shyqqan bul kadrler reperdiń túsirilip jatqan «Ómirge oralý» atty fılminen úzindi bolyp shyqty.

Baqytjan Júnisbekov, MS Saılaýbek prodúser:

- Ómirinde biraz taıaq jedi, 20 adam jabylǵan,  sondaı perelomnyı momentter bolǵan. Negizi sony kórsetkilerińiz keldi me? Negizi ol senarıde bar,  búkil ómirindegi oqıǵasy,  byltyrdan bastap túsirilim jasadyq.

Shoý-bıznes juldyzdary únemi eldiń nazarynda júrgendi qalaıdy. Sondyqtan da, sál elenbeı qalsa túrli jarnama tásilderine júginetinderi bar.

Al, dızaıner Jado jaqynda ótken týǵan kún merekesinde aq boz atty ıelendi. 

Jadonyń mal sharaýshylyǵymen aınalysatynyn biri bilse, biri bilmes. Ánshi Serikbol Saılaýbek te týǵan kúninde qymbat kólik mingeni belgili.

Shoý-bızneste júrgenderdiń qulaǵymyzǵa sybyrlap aıtqan áńgimelerine qaraǵanda, keıde bundaı qymbat ári tań qaldyrarlyq syılyqtardy óner ıeleri ózderine ózderi jasaıdy. Bundaı amaldar da at shyǵarýdyń bir túri deıdi.

Al, Shanshar teatrynan tanymal bolǵan aktrısa Juldyzaı Dúısenbıeva sahnalyq áriptesi Nurjan Tólendige kóp jaǵdaıda ádiletsiz kúıe jaǵylatyn dep esepteıdi.

Ánshi, sazger Marat Omarov ataq pen dańqqa ıe bolý úshin ózin-ózi jarnamalap, shý jasaıtyn áriptesterin biraz synap tastady. 

Ánshi búginde on jasar qyzy Bıbimarıam Omarovaǵa konsert uıymdastyryp, halyqqa tanystyryp júr. Qyzy halyqaralyq birneshe baıqaýlardyń jeńimpazy atanǵan. Halyqty aldap emes, adal eńbegimen tanylsyn deıdi. Juldyzdardyń osy jáne ózge de jańalyqtaryn kelesi baǵdarlamadan tamashalaı alasyzdar.