Qazaqstan Respýblıkasy İİM ókilderi Almatydaǵy LA-155/18 túzetý mekemesinde jazasyn ótep jatqan Natalá Slekıshınanyń shaǵymyna baılanysty pikir bildirdi, - dep habarlaıdy Qamshy.kz kaz.tengrinews.kz – ke silteme jasap.
Esterińizge salsaq, áıel tergeý abaqtysynyń qyzmetkerlerin ózin jynystyq qatynasqa májbúrlegeni úshin aıyptaǵan bolatyn.
Polısıa ókilderiniń málimetinshe, 2015 jyldyń qazanynda Almaty İİD-ge "Qaraqshylyq" baby boıynsha 8 jylǵa bas bostandyǵynan aıyrylǵan Natalá Slekıshınadan Almaty jáne Almaty oblysy boıynsha Qylmystyq-atqarý júıesi departamenti 155/18 mekemesi qyzmetkerleriniń tamyz aıynda ózin zorlaǵany týraly aryz túskeni anyqtaldy. Sol kúni derek QR Qylmystyq Kodeksiniń 362-baby 2-bóligi boıynsha tirkeýge alynǵan. Sonymen qatar, Almaty prokýrory qylmystyq isti tergeýdi sybaılas-jemqorlyqqa qarsy qyzmetke tapsyrǵan.
"Tergeý kezinde Slekshına osy mekemede bolǵan kezde jedel bólimniń ınspektory men ýákili, sonymen qatar, eki baqylaýshynyń ózimen jynystyq qatynasqa túskenin aıtty. Degenmen, bul qyzmetkerler sottalýshyny zorlaý isine qatysy bar ekenin joqqa shyǵardy. Sondyqtan da, sybaılas-jemqorlyqqa qarsy qyzmet bala týylǵannan keıin sot-molekýlárlyq jáne genetıkalyq saraptama taǵaıyndaý úshin tergeý ýaqytyn uzartty. 25 sáýirde, bala týylǵannan keıin qajetti saraptamalar alyndy, biraq nátıje áli daıyn emes", - dedi İİM baspasóz qyzmetiniń ókilderi.
Sonymen qatar, tergeý barysy qatań baqylaýǵa alynǵany belgili boldy. "Sonyń nátıjesi boıynsha kináliler men olardyń jetekshilerine shara qoldanylyp, zań boıynsha jazalanady", - dedi QR İİM ókilderi.
Natalányń aıtýynsha, zorlanǵannan keıin ol kolonıa qyzmetkerleriniń ústinen aryz jazǵan, degenmen shaǵy kóp ýaqyt boıy qabyldanbapty.
QAJK málimetinshe, aıyptalǵan 4 qyzmetker de otbasyly, balalary bar. Qyzmetterin jaqsy atqaryp júr. Olar taǵylǵan aıypty joqqa shyǵaryp otyr. Sonymen qatar, eshqaısysy Natalá Slekıshınanyń shaǵymynan keıin qyzmetten shettetilmegen. DNQ saraptamasy taǵaıyndaldy, sol arqyly qyzdyń ákesi anyqtalady.
