FANTASMAGORIA

Qazaq Eliniń Joǵarǵy Bıligi, Úkimeti men Ókimeti jáne jer-jerdegi ákimdikterdiń basym bóligi jat memleket tilinde oılaýǵa-sóıleýge (sáıkesinshe, qareket etýge) birjolata kóship aldy. Demek, Qazaq Eli degen El bolmaıdy degen sóz.

Ǵasyrlar boıy qany sýdaı aqqan Qazaqqa Qudaı buıyrtqan ulan-ǵaıyr Jerdiń eń shuraıly bóligin latıfýndıser menshiktep úlgerdi. Qalǵan bóligin ózge de shonjarlar men feodaldar hám ákireńdegen qojalar pyshaq ústinen bólshektep, máńgige satyp almaq. Demek, Qazaqta Atameken-Otan bolmaıdy degen sóz.

Urpaqty úsh jasynan bastap, úsh tilde zorlap oqytý jumysy pármendi túrde surapyl bastalǵaly jatyr. Demek, bolashaqta Qazaq Elinde deni durys qazaqtildi elman urpaq ta bolmaıdy degen sóz.

Iá, bul sumdyq úsh kórinis - qalyń uıqydaǵy Qazaq kórip jatqan fantasmagorıalyq tústiń basty bir soraqy jarqyldary ǵana.
Qazaq túbegeıli quryp ketpeı turǵanda, Qudaı Ony oıatyp jiberse ıgi edi-aý! Álde, oıana qalsa, óziniń qandaıda bir kórinbeıtin temir torda, tili kúrmeýli, qoly baılaýly otyrǵanyn da birden sezip, qaıransyzdyqtan eńirep-jylap jiberer me edi, qaıter edi?!... Tipti, biz sol taqsirettiń áıgili «Mamyr Sherýinen» keıingi alǵashqy nyshandaryn baıqap ta qalǵan joqpyz ba osy, fantasmagorıalyq tús kórip jatyp?!..

Tynyshtyqbek Ábdikákimulynyń Feısbýktegi paraqshasynan alyndy