Táýekelderdi baǵalaý tobynyń dırektory Dosym Sátbaev Aqtóbedegi jaǵdaı men tóńkeris týraly derekterdi «aqparattyq botqaǵa» teńedi, - dep habarlaıdy Qamshy.kz theopenasia.net– ke silteme jasap.

Saıasattanýshy qazir elde túrli dinı aǵymdarldyń radıkaldanýy oryn alyp otyrǵany, al, tıisti organdar olarmen kúreste strategıalyq tetikterge ıe bola almaı qalǵanyn aıtady. Onyń oıynsha, Aqtóbedegi jaǵdaı – adamdardy saıası maqsattarǵa paıdalaný.

Al, «Memlekettik tóńkeris» jasamaq boldy dep aıyptalyp otyrǵan Toqtar Tóleshov týraly málimet taratýdy da saıasattanýshy túsinbeýshilikke toly dep otyr. «Mundaı aqparattar bıliktiń ózine keri áser etedi. Buryn qaıda qaraǵan degen suraq týady. Osyǵan deıin el aýmaǵyndaǵy mıtıńterdi Batyspen, AQSH-pen baılanystyrý sıpat aldy. Endi myna aıyp taǵylyp otyrǵan T. Tóleshov reseılik uıymdarmen baılanysy jaqsy bolǵanyn bilemiz. Al, bul aıyptaýlar AQSH-qa emes, taıaqtyń bir ushyn Reseıge, reseılik arnaıy organdarǵa buryp jibermeı me?», - deıdi D. Sátbaev.

Sarapshy quqyqqorǵaý organdary 20 jyl boıy nazar aýdarmaı kelgen qatelikterdi túzeýge kiriskenin aıtady. Biraq, tıimdi aldyn alý jumystaryna úmit artýǵa bolmaıtyn kórinedi.

«Bizde kásibı teologotar az, bizde radıkaldy uıymdardyń qataryna engen kúshtik qurylymdardyń ókilderi az, musylmandar dinı basqarmasy nashar jumys istep otyr. Buryn ımamndardyń tek 30 paıyshy ǵana dinı bilimge ıe dep aıtylatyn. Osydan keıin biz ıdeologıalyq soǵysta jeńilip jatqanymyzǵa tań qalady», - deıdi D. Sátbaev.