Álemdik sarapshylar 2017 jyly Orta Azıada DAISH lańkestik uıymynyń uıashyqtarynyń jandanatynyn aıtqaly biraz boldy. Ásirese, olardy ishteı qoldap, tilektes bolyp kele jatqan (aldy tipti Sırıaǵa ketti) ýahhabızm astaýynan jem jeıtin neosalafızm Qazaqstanda gúldenip tur. Olardyń tákpirshileri osyndaı qanquıly áreketin jasap jatsa, mathalıtteri bıliktiń túrli butaqtarynda saırap, jýrnalıs, bloger, aqyn, t.b jumys júrgizip keshegi qyrǵyn jasaýshylarǵa ishten tileýlestigin bildirip otyr.
Ótkende jerge qatysty salafılerdiń mathalıt tobynyń jarǵaq qulaqtary jastyqqa tımeı «el tynyshtyǵy» dep bir-biriniń aýzyna túkirgendeı saırap edi, endi eldiń tynyshtyǵy ketip edi ún-túnsiz...
Qazaqstanda bılik salafıttermen aýyz jalasyp otyr degen boljam túıýge bolady. Tipti, keıbir jaǵdaılarda prezıdenttiń joldaýy, jer máselesi taǵy basqa dúnıelerde solardyń bloger, jýrnalıseriniń propagandalyq jumysty julqyna isteýi kóp nárseni ańǵartady...
Halyq salt-dástúr men tarıhyńdy mansuqtaıtyn, qoı terisin jamylǵan ýahhabısterden ábden jalyqty. Erqashty boldy. Ony sońǵy jer máselesinde anyq kórdik. Jurt kimniń kim ekenin naqty biledi. Bılikte kim otyrǵanyn, parlamentte kim otyrǵanyn, qansha aqyn, qansha jýrnalıs, (memlekttik arnalar men basylymdarda da bar) qansha bloger, qansha ánshi men t.b. adamdardyń osy din atyn jamylǵan saıası ıdeologıany ustanatynyn bes saýsaqtaı biledi.
Qazaqstan salafıtteri óziniń ıdeologıasyn jasap aldy, aqparattyq nasıhatty sheber meńgergen. Saıttary bar, telearnasy bar. Áleýmettik jeliler arqyly uıymdasqan túrde jumys isteıdi. Bireý týraly pikir jazsań shıbórideı talap jeýge daıyn. Bireý bir post jazsa ózgeleri jantalasa laık basyp, toqtaýsyz bólise jóneledi.
«Islam memleketi» dep ózderine aıdar taqqan atyshýly uıymǵa tileýles toptardyń Qazaqstandaǵy lıdersymaqtary áli taırańdap júr...
Nege batysta atys boldy? Osy tusta DAISH lańkestik uıymy Sırıa men Iraktaǵy mańyzdy munaı qorlaryn qoldaryna alyp, ondaǵy shıkizattardy zańsyz jolmen satyp aqsha taýyp otyrǵanyn esh umytpaýymyz kerek. Bir nárse anyq, bulardyń júregi Qazaq, Qazaqstan dep soqpaıdy, bular ózderiniń ıelerine qarap ulyp otyr, DAISH-tyń tezirek kelgenin qalaıdy.
Bizdiń Otanymyz osy jer — Qazaqstan, tynyshtyq kerek. Olar erteń bir-aq kúnde ar jaqqa taıyp turady.
Aıtpaqshy, Aýǵanstandaǵy Talıban uıymyn yǵystyryp, orynyn basyp Orta Azıada úkimin júrgizýdi kózdep otyrǵan DAISH astyrtyn jumysyn kúsheıtti. Olardyń árbir múshesine tólenetin aıylyǵy ortasha 400 dollar bolsa, byltyr ony arttyrdy degen málimetter tarady.
Bizde qanshama adam jumyssyz, jumyssyz júrse de dóńkıgen Jıp minip, shalqyp úsh-tórt áıel qushyp júrgender jetedi...
Jalpy salafıttikke qatysy bar bılikte otyrǵan, ózge de osy toptyń osyndaǵy uıym lıderleriniń dúnıe-múlikti qaıdan alyp otyrǵanyn quzyretti organdar jedel túrde muqıat tekserý kerek.
Bularǵa shetelden aǵyp kelip jatqan qarjy aǵymy bar. Bulardy qutyrtyp otyrǵan da sol yrǵyn aqsha... Ókinishtisi, osy taqyrypty biletin birde bir bilikti maman joq.
El tynysh bolsyn...
