Almatynyń bas kóshesi – Ál-Farabı dańǵyly sý astynda qaldy, - dep habarlaıdy Qamshy.kz.

Turǵyndar men júrgizýshiler dańǵyl boıyndaǵy jaǵdaı túsirilgen vıdeolar men fotomaterıaldardy ınternet pen áleýmettik jelilerge jarıalaýda. Ol sýret, vıdeolardan tek Ál-Farabı dańǵyly ǵana emes,  Abaı, Dostyq, Fýrmanov boıynda da jańbyr sýynyń mol jınalyp qalýynan kólikterdiń toqtap turǵanyn kórýge bolady.

Qalalyq tótenshe jaǵdaılar departamentiniń habarlaýynsha, keshe turǵyndardan aýlalardy sý basty degen elý shaqty habarlama túsken. Onyń 25-i rastalǵan.

«Zardap shekkenderdiń kóbi Alataý aýdanynda. Sý basqan jerlerde ákimdik, TJD, qutqarý qyzmetteri mamandary jumys isteýde», - delingen TJD baspasóz qyzmeti taratqan habarlamada.

Buǵan deıin Almatydaǵy metronyń «Alataý» stansasyn sý basqanyn jáne «Alǵabas» yqsham aýdanyndaǵy turǵyn úıdiń biriniń tóbesinen sý saýlaǵanyn jazǵan bolatynbyz.

Esterińizge salsaq, kesheden beri Almaty qalasynda tolassyz jaýyn jaýýda. 112 qyzmeti turǵyndarǵa telefon arqyly «16-17 maýsym kúnderi Almaty ózenderinde sý tasý qaýpi bar» degen habarlama taratýda.

Al, Qazgıdromet mamandary 18-20 maýsym kúnderi Qazaqstannyń biraz aýmaǵynda jaýyn-shashyn bolatynyn habarlady.