19 jastaǵy Qaraǵandylyq boıjetken óz-ózine qol salǵan, oǵan «Kók kıt» sýısıdtik tobynyń qatysy bolýy múmkin degen boljam bar, - dep habarlaıdy «Qamshy».
Qaıtys bolǵan qyzdyń týysy Galına Sıbırákova oıynnyń tapsyrmalaryn oryndaý úshin qyzdyń óz-ózin óltirgenin aıtyp otyr.
«Qaryndasym «Kók kıt» qaýipti oıynnyń saldarynan ózine qol jumsady dep kúdiktenemin. Bul jantúrshigerlik oıyndy «Tynysh úı» dep te ataıdy.. Moderator jetkinshek oryndaýy tıis tapsyrmany beredi. Mysaly, ustaranyń júzimen qolyna kıttiń sýretin salý. Al, sońǵy tapsyrma - ólimge alyp keledi», - dedi aǵasy Marat.
Boıjetken vananyń tutqasyna 6 aqpan kúni túnde asylyp qalǵan. Ol kezdi úı ishiniń bári uıyqtap jatqan eken. Ata-analary tún ishinde qyzynyń oıanyp, vanaǵa kirgenin estigen. Onyń óli denesin tańǵy bes jarymda tapqan.
«Onyń telefonyn buǵattan ashqan kezde «Kók kıt» jáne «Tynysh úı», 4:20, «men oıyndamyn degen sózderdi taptyq», - dep málimdedi Marat.
Qazir ispen polısıa aınalysýda.
Jambyl oblysynda 8 synyp oqýshysy "Sınıı kıt" degen ólim oıynynyń tapsyrmalaryn oryndap júrgen, - dep habarlaıdy Tengrinews.kz
Ol áleýmettik jelilerge jasalǵan baqylaý kezinde tabylǵan.
Bala "VKontakte" áleýmettik jelisindegi paraqshanyń belgisiz ákimshisiniń endigi eki tapsyrmasyn oryndap úlgergen. "Tapsyrma qaýipsiz kóringenimen, belgili bir áýendi birneshe saǵat boıy tyńdaý, qolyna kıttiń sýretin salý - erkin baǵyndyrýǵa, sanaǵa áser etýge baǵyttalǵan, al keıin osy arqyly ólim kúltin uıytý maqsaty bar. Qazirgi ýaqytta balalarmen jáne ata-analarymen psıhologtar jumys istep jatyr, oblys mektepterinde sýısıdke beıimi bar balalardy anyqtaý boıynsha test júrgizilip jatyr. Túsindirý jumystary júrgizilip jatyr", - dep habarlady prokýratýra ókilderi.
Munyń aldynda QR İshki ister mınıstrligi Jelide tarap jaúrgen "ólim oıyndaryna" qarsy júrgizilip jatqan sharalar jaıynda aıtyp bergen bolatyn.
"Sońǵy kezderi áleýmettik jelilerde sýısıdti nasıhattaıtyn "Sınıı kıt", "Tıhıı dom" toptary tarap jatyr. Oıynǵa kirgen balalar tapsyrmalar oryndaýy qajet, onyń ishinde tamyryńdy kesý kerek jáne qolyńa kıttiń sýretin salý kerek degen sıaqty tapsyrmalardy oryndaý qajet, sońynda olar ózderine qol jumsaýy tıis. Sonymen qatar, oıyn moderatorlary oıynshy týraly málimetterdi bilip otyrady. Osy áreket boıynsha QR Qylmystyq kodeksiniń 105-baby, 6-bóligi ("Jábirlenýshini qorqytý, oǵan qatygezdikpen qaraý nemese onyń adamı qadir-qasıetin únemi qorlaý arqyly adamdy ózin-ózi óltirýge deıin nemese ózin-ózi óltirýge barýǵa deıin jetkizý") tergeý júrgiziledi", - degen edi Memlekettik til jáne aqparat departamentiniń dırektory Almas Sádýbaev.
Eske salaıyq, "Otbasy jáne otbasylyq qundylyqtardy qoldaý boıynsha qazaqstandyq ata-analardyń qaýymdastyǵy" respýblıkalyq qoǵamdyq uıymy azamattardy balalaryn ólimge aparatyn "Sınıı kıt" (Tıhıı dom") dep atalatyn oıynynan qaýipsizdendirýge shaqyrdy.
Asosıasıa mamandary osy oıynnyń áleýmettik jelide egjeı-tegjeıli qalaı oınalatyny shyqqannan keıin eskertedi. VKontakte jelisinde "Sınıı kıt" jáne "Tıhıı dom" toptarynda balalar men jasóspirimderdi osylaı atalatyn oıynǵa shaqyrady eken. Qoldanýshylardyń aıtýynsha, oıynǵa kirgen balalar 50 tapsyrma oryndaýy qajet, onyń ishinde tamyryńdy kesý kerek jáne qolyńa kıttiń sýretin salý kerek degen sıaqty tapsyrmalardy oryndaý qajet, sońynda olar ózderine qol jumsaýy tıis. Fınaldyq tapsyrma mindetti túrde oryndalýy kerek, áıtpese uıymdastyrýshylar balanyń týystaryn óltiremiz dep qorqytady eken.
