Armenıalyqtar Taýly Qarabaqtaǵy aımaǵyndaǵy qaqtyǵysty barynsha toqtatqysy keledi. Bul keleńsizdikterge qatysty jańa bastamalar kóterilgen jerde eń aldymen Qarabaq separatısterin kelissózder ústeline qaıtarý máselesin kóteretin bolǵan.
Taýly Qarabaqtaǵy teketiresti toqtatý maqsatynda jańa bastamalar usyna alatyn Nursultan Nazarbaevtan armenıalyqtar keshirim suraýdy talap etip otyr, dep habarlaıdy aze.az, málimettiń qazaqsha nusqasyn «Qamshy» portaly oqyrman nazaryna usynady.
Nursultan Nazarbaevtyń bul iske qatysty júrgizip otyrǵan saıasaty armenıalyqtardyń kóńilinen shyqpaǵan tárizdi.
Anyǵyn aıtqanda, Taýly Qarabaq máselesimen Armenıa EAEO-ǵa múshe bola almaıdy degen málimdemesine qatty ashýlanyp otyr. 29 mamyr kúni EO-ny qurý máselesi jónindegi qujatqa qol qoıǵanda osyndaı málimdeme jasaǵan bolatyn.
Armenıa prezıdenti Serj Sargsán áriptesterinen 2014 jyldyń 15 maýsymyna deıin EO-ǵa múshe bolý úshin qol qoıýǵa múmkindik suraǵan. Bul suraqqa Nursultan Nazarbaev Armenıa EO men Kedendik Odaqqa múshe bola almaıtyndyǵyn aıtqan eken.
«Sizder DSU-ǵa qalaı kirseńizder, EO-ǵa da dál solaı BUU aıasynda krýlerińiz kerek. Biz Ázirbaıjan prezıdentinen hat aldyq. Hatta aıtylǵandaı, sizder DSU-ǵa múshelikke engen kezderińizde BUU arasynda qabyldanǵan erejeler Armenıa eline de taralady degen ýáde bergen bolatynsyzdar», - dep málimdedi Nazarbaev.
Armenıalyqtar muny umytqan joq. Alaıda, aqylǵa qonymsyz talaptarymen Armenıanyń Ulttyq jınalysynda İİ Parlamentiniń komısıa múshesi Tevan Pogosán málimdeme jasady.
«Eger Qazaqstan, shyn mánisinde, Taýly Qarabaqtaǵy keleńsizdikterdi rettegisi kelse, eń aldymen úsh eldiń kelisimin alýy qajet: Baký, Erevan jáne qýyrshaq rejıminde turǵan Taýly Qarabaq. Eger Qazaqstan prezıdenti Nursultan Nazarbaev Qarabaq máselesine atsalysqysy kelse, Erevan men Hankendige at basyn buryp, Armenıaǵa qarsy júrgizgen saıasaty úshin keshirim surap, armenıalyqtardyń senimine ıe bolýy qajet», - deıdi Pogosán.
«Qazaqstan Taýly Qarabaq máselesin tolyqqandy sheshý úshin bar kúshin aıamaıdy. Bul másele Astanany alańdatyp otyr jáne onyń Ázirbaıjanmen aradaǵy dıplomatıalyq kelisim úshin qaýip týdyryp otyr. Ázirbaıjan – bizdiń baýyrlas memleketimiz, al Armenıa ıntegrasıalyq jobalardy iske asyrýda bizdiń seriktesimiz. Sol sebepti de, Qazaqstan Taýly Qarabaq máselesiniń túbegeıli sheshimin tabýǵa barynsha kómektesedi», - dep málimdedi Qazaqstan Parlamentiniń depýtaty Ahan Bıjanov.
Aýdarǵan: Nazerke Labıhan
