Iaroslavl aýdanynyń turǵyny bul oqıǵany áli kúnge deıin biledi: birneshe kún boıy olar kishkentaı balanyń jylaǵan daýsyn estıdi. Aldymen buǵan mán bermeıdi, keıinnen jylaǵan daýystyń bos úıden shyǵyp jatqanyn túsingende alańdaı bastaıdy. Olar polısıa shaqyrtady.
Jabyq turǵan esiktiń artynda polıseıler ne kútip turǵanyn bilmedi: Jerde, qarańǵy bólmede álsirep jatqan kishkentaı qyzdy kóredi. Onyń ábden áli quryp, áreń tynys alyp jatyr eken.
Basqa bólmeler bos eken. Úıdiń turǵyndary bárin alyp, kóship ketkenge uqsaıdy. Tek óz balasyn ǵana tastap ketipti.
Qyzdy dereý aýrýhanaǵa jetkizedi. Onyń jambasy synǵanyn jáne bos úıde bir apta boıy syzdaǵan jerde jatqanyn bilgende dárigerler tańǵalady. Polıseıler bir jasqa endi tolǵan sábıdiń aty Lıza Verbıskaıa ekenin anyqtaıdy. Onyń ata-anasyn izdeýge beredi. Olar quddy joq bolyp ketkendeı... Lızany jergilikti balalar úıine aýdarý úshin sheshim shyǵyp qoıǵan bolatyn.
Bul ýaqytta jergilikti turǵyn Inna Nıka esimdi áıel balasy aýyryp qalǵanyna baılanysty sol aýrýhanada bolady. Kezekti ret aýrýhanaǵa baryp júrgen kúnderdiń birinde ol kórshi palatadan qyzdyń jylaǵan daýsyn estip, ol qyzdy kórýge asyǵady. Osylaısha Inna kishkentaı Lızamen tanys bolady. Ol medbıkelerden surastyryp, kishkentaı Lızanyń aýyr taǵdyry jaıynda bárin bilip alady. Áıel oǵan jıi-jıi kelip, oıynshyqtar men jaıalyqtaryn ákelip turady.
Inna eki balany tárbıelep otyrǵan ana jáne Lızamen kezdeskenge deıin ol asyrap alý jaıynda oılanbaǵan edi. Biraq, bir kúni qyzdy balalar úıine ótkizip jibergenin estigende, Lızasyz ómir súre almaıtynyn túsinedi. Balalar úıiniń adresin dárigerlerden anyqtap, balaǵa qaraı asyǵady.
Birneshe aıdan soń, Lızany qamqorlyǵana alýǵa tolyq quqyly bolady. Qyz da óziniń jańa úıine keledi. Ol eki jasynda tek suıyq taǵamdardy ǵana ishe alatyn edi, júre almaıtyn, qatty dybystardan úreılenetin. Qyzǵa kómektesý úshin Inna ony bı mektebine beredi.
Lıza kóp ótpeı-aq qulpyryp sala beredi. Mektepke baratyn ýaqyty kelgende osyndaı symbatty da sulý qyzdyń ata-anasy balasyn ólimge qıyp, bos úıde tastap ketkenine, naǵyz sumdyqty basynan keshirgenine sene almaıdy.
Lıza jarqyn da erekshe qyz, sondyqtan qyz óz ortasynda únemi erekshelenip júretin. Keıbireýleri ony mazaq etip, «syǵan qyzy», «qara» dep onyń shamyna tıetin. Biraq Lıza oǵan kóńil bólmeıtin. Óıtkeni qıyn shaqta onyń tiregi bolyp únemi asyrap alǵan anasy turatyn. Anasy oǵan: «Óıtkeni sen ádemisiń, eshkimniń sózine mán berme!» dep aıtyp otyratyn. Jáne bul talassyz edi. Óziniń 12 jasynda ol birneshe sulýlyq baıqaýlaryn jeńip aldy, sán keshterine qatysyp júrdi jáne balalar kıimine jarnama jasaıdy.
Kishkentaı sulýlyq hanshaıymy tanymaldylyqqa ıe bolady, onyń erekshe taǵdyry jaıly baspasóz betterinde jarıalana bastaıdy. Qyzdyń bıologıalyq anasy kenetten paıda bolyp, balasy bar ekeni esine túsedi. Televıdenıeǵa júgingen áıel qyzyn qaıtaryp berýin talap etedi. Árıne, bul jaıynda sóz qozǵalmaıtyn edi. Biraq balasyn ne úshin tastap ketkenin túsindire almaǵan ananyń osylaısha kenetten paıda bolǵany Lıza men onyń otbasynyń tynyshyn qashyrdy. Inna óz qyzy úshin kúresetinin aıtady. Onyń ústine, Lıza qaı jaqta qalatynyn sheshe alatyn jasta edi!
Qamqorlyq pen mahabbattyń bizdiń ómirimizdi qalaı ózgertetini tań qaldyrady. Ózge adamnyń mahabbaty tastandy qyzdy ádemi, óz-ózine senimdi qyzǵa aınaldyrdy. Lızanyń óz armandaryna jetetinine esh kúmán joq. Mundaı qoldaýdan keıin onyń qolynan bári keledi!
