Memlekettik qyzmet isteri jáne sybaılas jemqorlyqqa qarsy is-qımyl agenttiginiń 2016 jylǵy jumys qorytyndysyna arnalǵan alqa májilisinde vedomstvo basshysy Qaırat Qojamjarov Qazaqstandaǵy belgili adamdardyń ustalýy týrasynda óz pikirin bildirdi.
«Ár adam jemqorlyqqa qatysty oqıǵanyń kýási bolsa ol týraly qajetti quzyrly organdarǵa habar berýi tıis. Jemqorlyqqa qarsy vedomstva barlyǵyn tekserýge quqyly» deıi Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Qaırat Qojamjarov.
Ujymmen jumys isteıtin ár qazaqstandyq zańǵa qaıshy, durys emes isterge kýá bolsa ol týraly basshyny nemese qajetti quzyrly organdardy habardar etý kerek. Bul árbir qazaqstandyq úshin qalypty jaǵdaı bolýy tıis. Árbir adam ózinen «Men jemqorlyqpen kúresý úshin ne istedim?» dep suraýy kerek. Biz kóp ýaqyt tómengi sanattaǵy sheneýniktermen aınalystyq. Qazir jaǵdaı ózgerdi. Shyn mánisinde tekserýge bolmaıtyn adamdar joq» dedi Qojamjarov.
Bul túrli deńgeıdegi barlyq otyrystarda jemqorlyqpen kúres týraly aıtyp júrgen prezıdenttiń sheshimi ekenin de jetkizdi.
«Eger barlyǵymyz birigip osyny qolǵa alsaq jemqorlyqty túp tamyrymen joıýǵa qaýqarymyz jetedi. Oǵan da az qaldy» dedi Agenttik basshysy.
Qylmystyq prosestiń ashyqtyǵyna toqtala kele Qojamjarov zertteýdiń bastapqy kezinde qoǵam keıde túsiniksiz kúı keshetinin aıtty. Sebebi keıde qylmystyq tekserýge belgili adamdar iligip jatady.
«Olar túrli salalanyń adamdary bolýy múmkin. Onyń ishinde shyǵarmashylyq salalary da bar. Máselen, Jamanqulov. Halyq ártisi, el súıiktisi Jamanqulov aıyptalýshy rolinde bolady dep kim oılaǵan. Meniń esimde belgili jýrnalıs Ǵabdýlınge qatysty qylmystyq proses bastalǵanda sot ashyq túrde ótti. Barlyǵyn ózderińiz kórdińizder. Ol óz kinásin moıyndady. Barlyq dálelder onyń ishinde qupıa tergeý nátıjesi de qoǵam nazaryna usynyldy. Onda onyń talaptary týraly aıtylǵan áńgimeleri de aıtyldy: «Siz maǵan osyndaı sommaǵa tapsyrma beresiz, óıtpegen jaǵdaıda úlken qıyndyqqa tap bolasyz». Ol shynymen de sondaı maqalalar jazdy» dedi Qojamjarov.
Belgili akter Tuńǵyshbaı Jamanqulov 2016 jyly 2 qarashada «Fenıks» atty kórkem fılm túsirilimine arnalǵan 69 mıllon teńgeni jymqyrýy múmkin degen kúdikpen ustaldy. Akter aqshany alǵanyn moıyndady jáne istegen isine ókinip, keltirgen shyǵynyn óteýge ýáde berdi. Sonymen qatar ol qylmystyq jaýapkershilikten bosaý úshin ótinish bildirdi. Jamanqulovtyń, atalmysh fılmniń atqarýshy prodúseri Iýdınamen jáne «Qazaqfılm» AQ ekonomıka men qarjy basqarýshy dırektory Iskakovanyń keltirgen shyǵyny eseptelgennen keıin ótinish qaralatyn bolady.
Central Asia Monitor jáne Radiotochka.kz bas redaktory Bıgeldi Ǵabdýlın de 2016 jyly ustaldy. Tergeýdiń málimetine saı, jýrnalıs qyzmet deńgeıin paıdalanyp aqsha bopsalaǵan. Ǵabdýlın QR QK 194 baptyń 4 bóligi boıynsha aıyptaldy. Jýrnalısiń advokaty Amanjol Mýhamedárov aıyptalýshynyń 20 mıllıon 625 teńge kóleminde qarjyny tólep, shyǵyndy ótegenin jáne istegen isine ókinetinin aıtqan. 2017 jyldyń 24 qańtarynda Ǵabdýlın sot zalynan bosatyldy.
