Qazaqstan Prezıdentiniń tóraǵalyǵymen ekonomıkanyń jedeldetilgen tehnologıalyq jańǵyrtylýynyń máseleleri jónindegi keńes ótti
Keńeske Premer-Mınıstr, Ulttyq bank tóraǵasy, Úkimet músheleri, Astana qalasynyń ákimi, ulttyq holdıńter jáne kompanıalar, sondaı-aq elimizdiń jetekshi kásiporyndarynyń basshylary qatysty.
Jıyn barysynda Memleket basshysynyń «Qazaqstannyń úshinshi jańǵyrýy: jahandyq básekege qabilettilik» atty Qazaqstan halqyna joldaýynyń birinshi basymdyǵy retinde atalǵan ekonomıkanyń jedeldetilgen jańǵyrtylýy jónindegi sharalar talqylandy.
Sondaı-aq, sıfrlyq tehnologıalardy qoldana otyryp, jańa ındýstrıany damytý jáne bazalyq salalardy tehnıkalyq qaıta jaraqtandyrýdyń keshendi sharalaryn ázirleý máseleleri qarastyryldy.
Qazaqstan Prezıdenti keńes qorytyndysy boıynsha birqatar naqty tapsyrma berdi.
