Bul týraly Muhtar Qul-Muhammedti búgin Soltústik Qazaqstan oblysynyń ákimi habardar etti. «Nur Otan» partıasynyń oblystyq aktıvimen ótken kezdesýde jaǵymdy jańalyqty jarıa etken Erik Sultanovqa búkil zal qol soqty. Óńir basshysy turyp qalǵan kásiporyndy satyp alatyn jergilikti ınvestorlardyń tabylyp, bıylǵy jyly óndiristi iske qosýǵa daıyn ekenderin jetkizdi. Qazir qujattardy rásimdeý júrip jatyr.
«Bıohım» zaýyty 2006 jyly salynǵan. Kásiporyn isten shyǵyp, uzaq ýaqyt boıy jumysy toqtap turdy. Alaıda oǵan 80 mıllıon dollardan astam aqsha salynǵan bolatyn. Biraq búgingi kúnde de atalǵan ol búkil Qazaqstan men postkeńestik keńistiktegi biregeı kásiporyn bolyp tabylady. Ol jylyna elý myń tonnadan astam bıoetalon, 19 myń tonna balaýyz, 24 myń tonna ashytqy, 58 myń tonna un men 50 myń tonna kebek shyǵara alady.
