Árqaısysy ózin «qalyńdyqpyn» dep ataǵan Dımash Qudaıbergenniń jankúıerleri qazaqtandyq ánshiniń «Singer» jobasyna qatysýy týraly rolık jasady, dep habarlady Qytaıdaǵy inform.kz menshikti tilshisi.  

«Ómir kıno sıaqty» atty eki mınýttyq fılmde Dımashtyń baıqaýda án aıtqan sátteri, sahna syrtyndaǵy ómiri: fotosessıa, qonaqúı nómirinen, grımer bólmesindegi, sondaı-aq onyń qytaı tilin qalaı úırenip jatqan kadrlary kórsetiledi.

Qytaılyq áleýmettik jelilerde, BAQ-ta qazaqstandyq ánshiniń sahna syrtyndaǵy ómirinen fotolar jarıalandy.      

Eske salsaq, Qytaıda «Singer» baıqaýyna qatysyp jatqan Dımash Qudaıbergen eki apta boıy Aspan asty elindegi 10 eń ataqty juldyzdar (ánshiler ǵana emes, basqa da akterler, júrgizýshiler jáne t.b) reıtıńin bastady.  Onda onyń esimin Internette jıi izdeý, ol jaıly málimet izdeý, vıdeosyn kórý, televızıalyq reıtıńin esepke alady.      

Dımash Qudaıbergenniń Qytaıdaǵy sensasıalyq tanymaldylyǵy týraly mysal keltirsek, Qytaıdaǵy jankúıerlerdiń biri qumdy anımasıa ádisimen túsirgen vıdeorolıkti bir aptadan az ýaqytta 5 mln-nan astam adam tamashalaǵan. Fanattary oǵan sezimderin bildirip, túrli hattar jazyp, syılyqtar joldaýda. Ony áýejaıda, qonaqúıdiń aldynda ańdyp júredi. Boıjetkender áleýmettik jelide kóptegen fan-arttar men súıikti oryndaýshysynyń qurmetine túrli kórsetilimder jarıalaýda.     

 Búgin, Astana ýaqyty boıynsha 20.30-da Hunan.TV telearnasynyń efırine tórtinshi týrdyń jazbasy kórsetiledi. Onda Dımash Qudaıbergenov «Kúzgi muń» ánin qytaı tilinde aksentsiz oryndap, úshinshi oryndy ıelengen.