Memleket basshysy Nursultan Nazarbaev QR Konstıtýsıasynyń 26-babyn ózgerissiz qaldyrýdy usyndy dep habarlaıdy Aqordanyń baspasóz qyzmeti.

«Jumys tobynyń otyrysy barysynda Nursultan Nazarbaev QR Konstıtýsıasynyń 26-babyn burynǵy redaksıasynda qaldyrýdy usyndy»  delingen habarlamada.

qamshy.kz 26-baptyń 1-tarmaqshasyndaǵy «Qazaqstan Respýblıkasynyń azamattary» sózin «Árkim» sózine aýystyrýǵa qatysty óz qarsylyǵy retinde onyń qaýiptiligi týrasynda kóp jazdy. Atalǵan máseleni kótergen edi. 

25 qańtarda «Qazaqstan Respýblıkasynyń Konstıtýsıasyna ózgerister men tolyqtyrýlar engizý týraly» Qazaqstan Respýblıkasy Zańynyń jobasyn búkilhalyqtyq talqylaý týraly prezıdent Nursultan Ábishulynyń jarlyǵy shyqqan bolatyn.

2017 jylǵy 26 qańtar - 2017 jylǵy 26 aqpan aralyǵynda ótkizilgen búkil halyqtyq talqylaýǵa usynylǵan «QR Konstıtýsıasyna ózgerister men tolyqtyrýlar engizý týraly» zań jobasyndaǵy 26 bapqa qatysty ózgeriske halyq qatań narazy boldy. «Qamshy» portaly jáne basqa da qazaq tildi BAQ qoǵam talabyn ashyq kóterdi. 

Esterińizge sala keteıik, 26-baptyń 1-tarmaqshasyndaǵy «Qazaqstan Respýblıkasynyń azamattary» sózin «Árkim» sózine aýystyrǵan Jumys tobynyń engizgen usynystary baspasóz betterinde, áleýmettik jelilerde qyzý pikirtalas týdyrdy. Bul eń aldymen qoǵamdaǵy jekelegen múshelerdiń sheteldikterge jerge menshik quqyǵyn beredi degen alańdaýshylyqtaryna baılanysty týyndady. Keıbir saıasatkerler, zańgerler men jaı azamattar tarapynan bul norma ótkir synǵa alynsa, belgili ǵalymdar men praktıkter tarapynan qoldaýǵa ıe bolǵan.

Aıta keter bolsaq, 2016 jyly Qazaq jerin aýksıon arqyly sheteldikterge satýǵa baılanysty da búkilqazaqstandyq mıtıńilerden ótkennen keıin Elbasy jer týraly zańǵa maratorıı jarıalaǵan edi.