Qytaıdaǵy “Singer-2017” jobasyna qatysyp jatqan qazaqstandyq ánshi Dımash Qudaıbergenov jobanyń segizinshi kezeńinde qytaı tilinde án salady. Bul týraly QazAqparat habarlaıdy.
Baıqaýǵa qatysýshylar erteń bolatyn túsirilimde shyrqaıtyn ánderine daıyndyq jasap jatqandaryn áleýmettik jelilerde jarıalap ta úlgerdi. Al Dımash bul kezeńde tanymal qytaı ánshisi Han Hýnnyń “Tań atty” degen ánin oryndaıdy.
Han Hýn “I am singer” baıqaýynyń úshinshi kezeńinde birinshi oryn alǵan. Jáne ol osy “Tań atty” ánimen birinshi kezeńde-aq kósh basyna shyqqan edi. Óz kezeginde Dımash Han Hýnnyń shyǵarmashylyǵymen jaqsy tanys ekenin atap ótti.
Jobanyń jetinshi kezeńi efırde 4 naýryz kúni kórsetiledi. Bul kezeńde halyq áni “Daıdıdaýdy” oryndaǵan Dımash úshinshi orynnan kóringen.
