«Facebook» áleýmettik jelisi óz-ózine qol jumsaýǵa beıim adamdardy jasandy aqyl-oı arqyly anyqtaıtyn bolady, dep habarlaıdy Bı-bı-sı.

«Facebook» jelini qoldanýshylar jazyp qaldyrǵan jazbalar arqyly olardyń ıeleri týraly aqparat beretin algorıtm qurastyrdy. Jasandy aqyl-oı jeli qoldanýshylaryna olardyń dostarynan kelgen «Men saǵan alańdap otyrmyn», «Sende bári durys pa?» degen maǵynadaǵy sózderdi anyqtap otyrady.

«BBC»-diń málimetteri boıynsha, qoldanýshylar jelige jazyp qaldyrǵan sózderge arnaıy saraptama júrgiziledi. Sol arqyly adamnyń kómekti qajet etetinin nemese qajet etpeıtinin anyqtaıdy. Saraptamanyń qorytyndysy arnaıy zertteýshilerge jiberiledi.

Atalmysh baǵdarlamamen jumys isteıtin bólim basshysynyń habarlaýynsha, mundaı sharalar asa qajet. Atalǵan joba ázirge tek AQSH-ta ǵana júzege asyrylýda.

«Facebook» ókilderi sonymen qatar, adamnyń júıke júıesin zertteýmen aınalysatyn birneshe uıymmen birge jumys istep jatqandyǵyn jetkizdi. Sýısıdke beıim jeli qoldanýshylary endi olarmen arnaıy alań arqyly jedel túrde habarlasa alady.

Buǵan qosa áleýmettik jeli onlaın-translásıa kezinde de ózine-ózi qol salýǵa beıim turatyn adamdardy anyqtaý tetigin oılastyrýda.